Tensione ndërmjet Haradinajt e Mogherinit, anulohet konferenca në Bruksel

Zyra e shtypit e Bashkimit Evropian e ka anuluar konferencën e përbashkët me kryeministrin Ramush Haradinaj, pas takimit në Këshillin e MSA. Kjo thuhet se  ka ardhur për shkak të tensionimit tëatmosferës në takimin e MSA-së, ku temë ishte edhe taksa ndaj Serbisë.

Pas takimit të MSA-së, kryeministri i Kosovës Ramush Hardanaj tha se Kosova ka disa kërkesa legjitime ndaj Bashkimit Evropian, sidomos ato që kanë të bëjnë me liberalizimin e vizave në mënyrë që qytetarët e Kosovës të mos mbeten të izoluar. Ai rikujtoi edhe faktin që Kosova i ka përmbushur të gjitha kriteret që i kishte kërkuar Bashkimi Evropian dhe e konsideron si të padrejtë mbajtjen e qytetarëve të Kosovë të izoluar.

Me këtë rast Haradinaj tha se ka kërkuar që dialogu me Serbinë duhet të vazhdojë, duke kërkuar që Shtetet e Bashkuara të kenë një rol më të madh në këtë proces. Përmes dialogut, Haradinaj tha se mund të zgjidhet edhe çështja e tarifës 100 për qind që Kosova u ka vënë prodhimeve me origjinë nga Serbia dheBosnjë e Hercegovina.

“Ne jemi të interesuar për një marrëveshje gjithëpërfshirëse ndërmjet Kosovës dhe Serbisë. Qeveria ka përgatitur një draft për këtë marrëveshje potenciale. Parlamenti ka votuar një delegacion dhe Qeveria merr përsipër për të përkrahur edhe presidentin edhe delegacionin në përfaqësimin e Kosovës në një materie gjithëpërfshirëse, mirëpo, nuk ka kohë të zgjidh pjesshëm problemet përfshirë edhe ato të taksës”, tha Haradinaj duke shtuar se këto çështje duhet të zgjidhen përmes një marrëveshje gjithëpërfshirëse që nënkupton njohje e Kosovës, ulëse në OKB dhe anëtarësim në organizatat ndërkombëtare.

Sidoqoftë, kjo është herae dytë që ndaj Kosovës BE-ja vepron një lloj pas takimit të Këshillit të MSA-së. Edhe vitin e kaluar ishte anuluar konferenca, pikërisht në një kohë kur BE-ja i bënte trysni Kosovës për Demarkacion.

Ndryshe, Haradinaj udhëtoi sot për në Bruksel me informacionin që në agjendë është edhediskutimi i taksës, për të cilën BE-ja dha dje një kompromis, por që nuk egjeti gjuhën e përbashkët me Qeverinë e cila po kërkon vetëm njohjen e shtetitsi kusht për largim të taksës.