Transportuan 7 mil. £ në 80 fluturime nga Anglia. Ja kush janë janë vëllezërit shqiptarë

Tre shqiptarë janë burgosur për kontrabandën e mbi 7 milionë paund në më shumë se 80 fluturime nga aeroportet në Angli. 

Kokat e rrjetit të transprtit të parave janë dy vëllezër shqiptarë, Jak dhe Gjelosh Kolicaj, të cilët organizuan udhëtime për katër të tjerë që vepruan si korrierë duke transportuar sasi të mëdha parash në bagazhet e tyre

Bëhet fjalë për mbi 80 udhëtime që u bënë nga grupi në mes të nëntorit 2016 dhe janarit 2018, në shtete përfshirë Belgjikën dhe Greqinë për transportin e mëtejshëm pastaj drejt Shqipërisë.

Gjelosh Kolicaj, 37 vjeç, dhe Jak Kolicaj, 47 vjeç, çonin korrierët në aeroport dhe prisnin derisa ata të kalonin kontrollin e valixheve dhe pastaj largoheshin

Në shtator 2017, policia i kapi 180.000 paund Faton Syberit ndërsa ai u përpoq të udhëtonte në Selanik nga aeroporti i Stansted.

Parate ishin në valixhe ngjyrë kafe, të mbështjella me qese dhe brenda një tjeter valixheje të brendshme. Gjelosh Kolicaj, Faton Syberi dhe Jako Kolicaj u deklaruan fajtorë. Jak Kolicaj u dënua me 8 vjet burg, Gjelosh Kolicaj me 6 vjet dhe Faton Syberi me dy vjet e pesë muaj burg