Krishtlindje në atdhe, fluks i madh në Kapshticë, Kakavijë dhe Durrës…

Kthimi tradicional i shqiptarëve në atdhe për Krishtlindje ka sjellë fluks të madh të hyrjeve në pikat e kalimit kufitar në të gjithë vendin. Ja si paraqitet situata Kapshticë, Kakavijë dhe Durrës…

Krishtlindjet kanë sjellë fluks dhe radhë të gjata kalimi në pikën kufitare të Kapshticës.

Vetëm gjatë 24 orëve të fundit raportohet se kanë hyrë hyrë në Shqipëri 6.321 shqiptarë e të huaj, ndërsa janë 3.289  që kanë dalë nga vendi.

Për të përballuar fluksin, sportelet po punojnë me kapacitete të plot.

Në Kakavijë, si zakonisht fluksi ëshë I madh dhe raportohet për radhë të gjatë nga drejtimi i Greqisë për të hyrë në Shqipëri.
Udhëtarët janë shprehur se mungesa e një terminali në doganë është një arsye se përse krijohet pritja e gjatë dhe kaosi njëherësh. Çdo orë që kalon dhe sa vjen e rritet fluksi e njerëzve që hyjnë në vendraporton Fax Neës.

Në 48 orë bëhet me dije se kanë hyrë përmes doganës së Kakavijës rreth 20 mijë emigrantë dhe rreth 6.000 të tjerë janë larguar përmes kësaj pike.

Ndërkohë autoritetet njoftojnë se tragetet që duhej të mbërrinin në orën 07:30 në Durrës, janë nisur disa orë me vonesë nga porti i Barit.

Tragetet ende nuk kanë mbërritur në Portin e Durrësit, por njoftohet se të gjithë tragetet janë në funksion me kapacitet të plotë. Pritet të mbërrijnë 3 tragete gjatë ditës së sotme në Durrës. Vonesat mësohet se kanë ndodhur për shkak të fluksit të madh të kthimit të emigrantëve në atdhe, në vigjilje të festave të fundvitit. Autoritetet bëjnë me dije se fluks ka pasur gjatë gjithë fundjavës në portin e Durrësit.