Ikin 8 ministra/ Ndryshojnë vetëm emrat, stani i Edi Ramës këtë bulmet ka…

Pasi i bëri  me dije anëtarëve të Asamblesë se PS nuk del në opozitë për shkak të xhajave dhe tezeve të tyre, pasi fajësoi opozitën pse konfirmon Rilindjen për të qenë e vetmja zgjidhje, pasi bëri me dije se rrëzoi qeverinë e koalicionit vetëm për shkak të Reformës në Drejtësi, të keqen sërish e gjeti në stanin e tij.

Shkarkoi Zv/kryeministrin dhe 7 Ministra me të cilët mburrej deri dje, të cilët i bënë aq dëm këtij vendi sa edhe 700 vejt nuk mund ta marrë veten kjo Shqipëri, dhe bëri sikur do e shpëtoj këtë vend me 7 minista të tjerë:

Ministrat që u shkarkuan:

Senida Mesi, Zv.kryeministre

Arben Ahmetaj, Ministri i Financave

Damian Gjiknuri, Ministër i Infrastrukturës

Ditmir Bushati, Ministër i Jashtme

Lindita Nikolla, Ministre e Arsimit

Sonila Qato, Ministre e Sipërmarrjes dhe Biznesit

Niko Peleshi, Ministër i Bujqësisë dhe Zhvillimit Rural

Mirela Kumbaro, Ministre e Kulturës

Ministrat që i zëvendësuan:

Erion Braçe, Zv.Kryeministër

Besa Shahini, ministre e re e Arsimit

Gent Caka, ministër i Punëve të Jashtme

Anila Denaj, Ministre e Financave dhe Ekonomisë

Blendi Çuçi, Ministër i Bujqësisë dhe Zhvillimit Rural

Belinda Balluku, ministre e re e Infrastrukturës dhe Energjisë

Eduard Shalsi, Ministër i Sipërmarrjes dhe Biznesit

Elva Margariti, Ministre e Kulturës

Elisa Spiropali, ministre për Marrëdhëniet me Parlamentin

Po nga i përzgjodhi ministrat e rinjë?! Nga po ky stan, i cili nuk di të bëjë tjetër bulmet, përveç se këtij, të hidhur.

Meqë kryefjala e Asamblesë ishin studentët, në këtë pikëpamje nuk është se bëri hatanë me ndryshimin në qeveri. Largoi Lindita Nikollën dhe emëroi zëvendësen e saj, po aq përgjegjëse për situatën në Arsim, Besa Shahini.

Largoi Zv/kryeministren Senida Mesin dhe e Zëvendësoi me Erion Braçen ndonëse ditë më parë ishte zëri i vetmuar në Parlamentin e Shqipërisë kur mendonte se “ligji për tatimin e të ardhurave duhet të ndryshojë, pasi ky vend ka nevojë të mbrojë një fashë të ardhurash të domosdoshme për familjet”. Ai këmbënguli se qeveria “duhet të mbrojë të ardhurat e ulëta dhe minimale për një familje” dhe bëri thirrje që të përballen me një fenomen madhor siç është pabarazia, pasi sipas tij “jemi në hapat e parë të fenomenit të pabarazisë”, por ky amendament u hodh poshtë me votë. Pabariza u thellua, Ahmetaj iku dhe sot nuk është e qartë se kush është me Erion Braçen?!

Për Ditmir Bushatin deri dje Edi Rama e lënte kokën, madje i është bindur shumë marrëzive diplomatike që ai i ka bërë si shef i diplomacisë, por ta zëvendësosh Ditmirin me zëvendësin e tij është sikur ti  ndërrosh bojën mureve të Ministrisë së Jashtme. E gjithë struktura antiamerikane në këtë ministri ngelet po ajo e vitit 1946 siç e ideoi Ditmir Bushati nga viti 2013. Dhe si me Ditmirin ashtu edhe Gentin, Shqipëria vazhdon të mbetet tradhtari dezhurin i BE ndaj Aelatit tonë të vetëm në këtë botë, SHBA

Të shkarkosh anglishtfolësin Arben Ahmetaj nga kreu i Ministrisë së Financave nuk është se të duhet ndonjë mendim analitik dhe statistika nga kjo gjendje e vështirë ekonomike, por ta zëvendësosh atë me Drejtoren e Përgjithshme  të  Fondit të Sigurimit të Detyrueshëm të Kujdesit Shëndetësor, institucion ky më i rëndësishëm i financimit të shëndetësisë i cili është përfshirë vitet e fundit në skandale financiare, kjo nuk është punë qeverisjeje. Moslufta e korrupsionit këtu fillon, me Anila Denajn. 

Sa për ministritë e Kulturës dhe Bujqësisë, nuk dihet pse ekzistojnë këto ministri kur ato Edi Rama i kishte dhe i ka inekzistente në axhendën e tij, dhe pak rëndësi ka nëse është Mirela Kumbaro apo Faik Konica ose Niko Peleshi apo Fan Noli. 

Deri sa të gjithë e krijuan bindjen që Damjan Gjiknuri do të ikë se nuk ka çfarë të vidhet më në këtë ministri, atë Edi Rama e zëvendëson me një tjetër mjeshtër, atë që e kishte dorë të djathtë e të majtë, në bashkinë më të korruptuar në botë, shefen e kabinetit, Belinda Balluku. Se si do të funskionoj kjo ministri, shif e shkruaj bashkinë e Tiranës gjatë periudhës 2000-2011 dhe Drejtorin e Aviacionit Civil të Rilindjes!

Qershia mbi tortë është Eduard Shalsi. Ai që publikisht e pranoi para ardhjes në pushtet se nuk do të vjedhin sa PD, ama mënyra do të jetë e sofistikuar. Ata që e njohin Eduard Shalsin nuk kanë dyshim në këto aftësi të tij për të cilat u zotua publikisht edhe pa ardhë në pushtet ndërkohë që do të lehtësoi punën e Edi Ramës, sepse deri sa Sonila Qato vetëm sa zbatonte urdhërat, Shalsi din ta lexoj edhe mendjen e shefit …