Asambleja e Specialistave/ Edi Rama: PS nuk shkon në Opozitë për xhajat dhe tezet tuaja…

Mbledhja e Asamblesë së PS, nisi me fjalën e kryetarit të Partisë Socialiste e cila nuk është se parlajmëronte ndonjë furtunë meqë u përqëndrua tek situata e krijuar me protestat e studentëve, foli për tranzicionin, qeverisjen vendore , lekun e fortë si kurrë njëherë më parë, ekonominë e fortë dhe fajtorin më të madh të Edi Ramës në këto 28 vjet, opozitën.

Filimisht foli për shuplakat që i ka me shumë qejf:

“Ata studentë na dhanë një shuplakë e cila mua më përvëlon ende, por unë zgjodha tu kthejë faqen tjetër, jo se kanë të drejtë për çfarë kërkojnë dhe aq më pak për mënyrën sesi e kërkuan, por sepse në thelb përtej formave të shfaqjes ata kanë të gjithë të drejtën të jenë të acaruar përderisa nga ne dhe nga askush tjetër presin shumë nga ne,” tha Rama duke u mburrur me fundin e tranzicionit në veçanti atij në drejtësi:

“Në drejtësi i kemi dhënë fund tranzicionit dhe jemi në një proces mes tranzicionit dhe fundit të tij. Në qeverisjen vendore po ashtu, ne epokë të ndërmjetme jemi te pensionet, i kemi dhënë fund tranzicionit me reformën, por në botën e pensionistëve tranzicioni vazhdon për pjesën më të madhe të tyre, e njëjta gjë me pronën, i kemi thënë fund në letër, por koha e pronës mbetet ende e ndërmjetme, e kështu e ndërmjetme është koha shqiptare.”

Kur pa buzëqeshjen rutinë të atyre që po qeverisin i futi pak piper fjalimit të tij përplotë me demagogji:

“Sot unë akuzohem pse nuk është askush në burg, pse drejtësia është e padrejtë, pse prokurorë e gjykatës vazhdojnë të godasin të drejtën. Por, nga ana tjetër jemi në një kohë të ndërmjetme dhe nuk na mbetet asgjë veç të ulim kokën dhe të punojnë se e nesërmja në mos e sotmja të na japë të drejtë.”

Të mërziturve të çastit, Ahmetajt dhe Gjiknurit u shkeli syrin me fjalë:

“Leku nuk ka qenë asnjëherë më i fortë sesa sot dhe jemi në situatën ku konsumi vazhdon rritet. Sipas BSH të ardhurat nga vizitorët e huaj në vend në 9 muajt e parë të vitit janë rritur me 158 mln euro dhe në 5 vite të ardhurat janë rritur me 55%. Shqiptarët udhëtojnë për vit e më shumë jashtë shtetit dhe kjo pasqyron gjendjen e tyre financiare. Në Shqipëri janë të regjistruar 262 mijë vetë më shumë të punësuar se në tremujorin e parë. Kjo është për ata që thonë ku i keni 300 mijë vendet e punës. Jemi vënë në akuzë për përqendrimin e ekonomisë në pak duar, në duart e një grushti oligarkësh, por çfarë thonë shifrat, thonë se shoqëria shqiptare sot është më e drejtë se çka qenë më parë.

Nuk kemi asnjë përqendrim fitimi në pakicë, kompanitë e mëdha, 100 më të mëdhenjtë paguajnë sot më shumë taksa se deri dje dhe pesha e tyre në të ardhurat e buxhetit është më e madhe se dje.”

Dhe, kur të gjithë po prisnin një kryetar dhe kryeministër ndryshe, që do të flas për socialistët, rilindjen dhe zgjedhjet vendore, ai u kthye në identitet pa i dhënë bojë fare Asamblesë: iu kthye opozitës!

 “Opozita, burimi më i madhe i rrezikut”

 Kur e gjithë Shqipëria është në protestë, kur studentët nuk dialogojnë me kryeministrin dhe kërkojnë plotësimin e 9 kërkesave, kur naftëtarët kërkojnë atë që Edi Rama u ka kërkuar para se të vinte në pushet, kur minatorët vazhdojnë të pyesin se sa sa ditë i ka viti meqë u është premtuar statusi pas një viti, kur banorët e Shkozës dhe Unazës së Re kërkojnë dëmshpërblim për shembjen e shtëpive të tyre, kur skandalet ndaj kësaj Qeverie shpërthejnë më shpesh se broçkullat e kryeministrit Edi Rama, ky i fundit e gjenë fajtorin për gjendjen e krijuar: Opozita! Burimi më i madh i rreziqeve tona, thotë kryeministri, që krijon konfirmimin e të qenit e vetmja zgjidhje, e vetmja rrugë.

“I kemi dhënë fund tranzicionit me Ligjin e Arsimit, kemi bërë atë që duhet lidhur me ligjshmërinë, por shumë prej tyre janë në pjesën më të madhe në letër.

Shpjegimi për këtë dhe shumë të tjera si kjo është që ne nuk kemi opozitë dhe mungesa na ka mpirë një pjesë të shqisave dhe na ka ulur një pjesë të kapaciteteve tona reaguese. Shumë kanë bërë pyetje, mua, pse tani? Pse nuk i bëtë këto më përpara?”

Anëtarët e Asamblesë kishin parë të studentët të protestojnë para Ministrisë së Arsimit dhe Kryeministrisë, po pse ata nuk protestoj në para PD, këtu nuk u kishte shkuar mendja dhe tani e kanë të qartë se pse Edi Rama është i mëzitur me FRESSH-in: 

“Organizimi i sistemit është i tillë që funksionon mes tensioneve dhe presioneve dhe kjo është arsyeja pse qysh vitin e parë të këtij mandati kamë këmbëngulur që vakumi që kemi përballë aty ku duhet të kishim opozitën është përqendrimi më i madh për objektivat, boshllëku është rreziku më i madh për realizimin e qëllimeve tona..

Ajo opozitë që edhe kur vjen në Kuvend paraqitet si trup i hallakatur me gjymtyrë që synojnë të godasin e të krijojnë situatë fizike, burimi më i madh i rreziqeve tona, sepse na krijon konfirmimin e të qenit e vetmja zgjidhje, e vetmja rrugë, mundësi, por jo për sa kohë unë do drejtoj, kurrë nuk do të pranoj si e keqja në vend, nuk jetuam për zgjedhjet e radhës në mandatin e parë, nuk shitëm qëllimet dhe nuk treguam objektivat në mandatin e parë, patëm gatishmërinë ta rrëzojmë qeverinë e koalicionit për shkak të reformës në drejtësi,” tha Edi Rama duke “ e pranuar” se për taksirat e paska të qeverisë me vendin meqë nuk ka opozitë.

Por kur ngriti kokën për momentin e pa se të gjithë ishin dyzduar meqë fajtori ishte I jashtëm dhe jo në mesin e tyre, por  ky është Edi Rama, nuk I do njerëzit e lumtur, dhe hakërrimën e kishte gati!

“Nuk shkojë në opozitë për Ju”

Kur gjithçka ishte në rregull, sipas kryetarit të PS, si arsimi, ekonomia, pensionet dhe madje edhe opozita e lodhtë, Edi Rama tregoi edhe se cila është mundësia që kjo parti kriminale të përfundoj në opozitë.

“Fjalët e mia kanë rënë në vesh të shurdhër, qeveria nuk janë ministrat, qeveria e PS janë ata që në përfaqësojnë në territor. Më vjen shumë mirë dhe është një nga gjërat më të mirëseardhura të studentëve që na u dha mundësi që me një vendim qeverie të hapim të gjithë agjendën e punës, qoftë në shërbim të tyre dhe administratës shtetërore për ata me 9 e dhjeta. Harrojeni përfundimisht që do ketë miq, shok, krushq, vëllezër, motra, krushq që do futen në administrata,” tha kryetar para Asamblesë, anëtarët e së cilës kishin krijuar se Edi Rama vazhdon të flejë në Portalin që kishte shpikur e këta po ia fusin nepotizmit pa din e iman.

Dhe, kujt t’ja hedhin, mjeshtrit të nepotizmit, kontrabandës dhe korrupsionit, i cili u bëri të qartë këtyre komunistëve të radhëve të para që i kishin vënë shkelmin atyre të radhëve të Enverit:

“PS nuk kthehet në opozitë për shkak të tyre, harrojeni, ose bëni një gjest të thjeshtë ikni nga PS. Lërini forumet, karriget mandate dhe thoni më rregullo mikun, por nëse keni marrë mandat përfaqësimi e keni për të gjithë familjet, për të gjithë ata që u themi vota jote është detyrim im dhe është shumë e mirëseardhur ajo që kanë kërkuar studentët dhe tronditëse ajo që është baza e besimit të tyre nuk besojnë dhe kenë të drejtën të mos besojnë se mësimet do tu japin mundësi të hyjnë në administratë,” tha Edi Rama duke paralajmëruar zgjedhje si ato të vitit 2017, del apo nuk del njeri pak rëndësi ka:

“Vendet e punës do jenë të hapura, do fitojë më i zoti. Voton për ne, del në fushatë apo jo për kë ti dojë kokrra e qejfit ne na duhet dija e tij apo saj dhe nuk na duhet për kë voton, pikë dhe të mos e diskutojmë më këtë.”

Për të gjithë ata që nuk e kuptuan fjalën e kryeministrit Edi Rama, dhe kishte shumë prej tyre, pasoi momenti më I rëndësishëm, ata që qeshën nuk do të qeshin më, ata që nuk vajtuan sot dhe do ta provojnë këtë ndjenjë duke mos ju besuar të paraardhësve pranuan postin e ministrit.

Në fund të Asamblesë së, siç thoshte i ndjeri Pjetër Arbnori, këta nuk socialista por specialista, për gjendjen e rëndë në të cilin ndodhet vendi u fajësua opozita, por meqë  liderët e opozitës nuk i shkarkon dot  ndryshimet i bëri në qeveri:

“Ministrat që do largohen kanë një rol tejet pozitiv në diçka që kemi bërë dhe transformimet që kemi sjellë. Janë një gjeneratë drejtuesish që ka shumë për të dhënë edhe në parti…”

Ministrat që u shkarkuan:

Senida Mesi, Zv.kryeministre

Arben Ahmetaj, Ministri i Financave

Damian Gjiknuri, Ministër i Infrastrukturës

Ditmir Bushati, Ministër i Jashtme

Lindita Nikolla, Ministrja e Arsimit

Sonila Qato, Ministre e Sipërmarrjes dhe Biznesit 

Niko Peleshi, Ministër i Bujqësisë dhe Zhvillimit Rural

Mirela Kumbaro, Ministre e Kulturës

Ministrat që i zëvendësuan:

Erion Braçe, Zv.Kryeministër

Besa Shahini, ministre e re e Arsimit

Gent Caka, ministër i Punëve të Jashtme

Anila Denaj, Ministre e Financave dhe Ekonomisë

Blendi Çuçi, Ministër i Bujqësisë dhe Zhvillimit Rural

Belinda Balluku, ministre e re e Infrastrukturës dhe Energjisë 

Eduard Shalsi, Ministër i Sipërmarrjes dhe Biznesit

Elva Margariti, Ministre e Kulturës

Elisa Spiropali, ministre për Marrëdhëniet me Parlamentin