Protesta / Diaspora dhe Unaza e Re kërkojnë largimin e Edi Ramës

Ndonëse nuk ishte lejuar nga regjimi i Edi Ramës, Protesta e Diasporës e paralajmëruar për orën 17:00 u zhvillua para Kryeministrisë.

Një prej organizatorëve të kësaj proteste, Genc Sejko tha se kësaj proteste i janë bashkuar shqiptarët nga vende të ndryshme të botës duke shtuar:

“Jemi këtu për studentët për minatorët, naftëtarët, biznesin ish-të përndjekurit politik, pensionistët dhe për çdo shtresë që ndihet i shtypur nga ky sistem jo thjesht nga qeveri.”

Ndërsa një protestues i cili tha se kishte ardhur nga Amerika, shkoi një hap para duke shtuar se kjo protestë duhet të kthehet në një parti politike me nuanca nacionaliste:

“Të formojmë një parti nacionaliste që djemtë dhe vajzat shqiptare të zgjohen nga gjumi!”

Ndërkohë banorët e Unazës së Re të prekur nga projekti Unaza e Madhe, që për 55 ditë protesojnë kundër shembjes së shëtpive të tyre, pas bllokimit simnolik të Unazës dhe protestës së radhës, marshuan drejtë Kryeministrisë për t’ju bashkuar Protestës së Diasporës.

Njëri prej protestuesëve nga Unaza e Re I bëri qytetarëve që ta mbështesin so protestën e tyre ashtu edhe atë të Diasporës, ndërsa shprehu zgjidhjen e qartë të problemit që shkaktoi gjithë këtë krizë shoqërore dhe ekonomike: “Ndryshimet e qeverisë së Ramës ishin të kota, ne duam që ai të ikë nga qeveria!”