Në 9 vjetorin e Marrëveshjes me Malin e Zi, nënshkruhet Marrëveshja Shqipëri-Kosovë

Sot në 9 vjetorin e Marrëveshjes me Malin e Zi, në pikën e kalimit kufitar Morinë, dy ministrat e Brendshëm të Shqipërisë dhe Kosovës, nënshkruan marrëveshjen dypalëshe për ngritjen e pikave të përbashkëta të kalimit kufitar, ndërmjet Shqipërisë dhe Kosovës.

Kjo marrëveshje lejon që shtetasit, automjetet dhe mallrat, të cilët hyjnë ose dalin nga territori i palëve, u nënshtrohen kontrolleve të përbashkëta nga autoritetet përkatëse përgjegjëse, vetëm një herë.

Në Morinë, përveç ministrave, prezentë ishte dhe kryeministri i Kosovës, Ramush Haradinaj ndërsa mungonte homologu i tij Edi Rama.

Gjatë fjalës së tij, ministri Sandër Lleshaj foli edhe për arsyet e mos pranisë së Edi Ramës në këtë ceremoni:

“Së pari më lejoni t’iu përcjell përshëndetjet e kryeministrit Rama, i cili nuk preferoi të vinte, sepse tha: kemi 50 përqind sukses kësaj radhe, do të vi kur ta heqim plotësisht kontrollin e kufirit”

Sandër Lleshaj e quajti marrëveshjen shumë të rëndësishme ndërsa paralajmëroi nënshkrimin e një marrëveshjeje të re së shpejti për eliminimin e kontrolleve në kufirin Shqipëri-Kosovë.

Ndryshe, kjo Marrëveshje vjen pas mbledhjes së përbashkët të dy qeverive Shqipëri-Kosovë në Pejë, dhe në ditën kur 9 vjet më parë u shpall Dekreti Nr.6365 i Ligjit Nr.10 195 për Ratifikimin e Protokollit ndërmjet Këshillit të Ministrave të Republikës së Shqipërisë  dhe Qeverisë së Malit të Zi për Kryerjen e Veprimtarive të Përbashkëta të Kontrollit Kufitar në pikën e përbashkët të  të kalimit kufitar Muriqan/Sukobinë. Lexo këtu: https://www.pafrike.al/wp-content/uploads/2018/12/Ratifikimin-e-Protokollit-ndërmjet-Këshillit-të-Ministrave-të-Republikës-së-Shqipërisë-dhe-Qeverisë-së-Malit-të-Zi-për-Kryerjen-e-Veprimtarive-të-Përbashkëta-të-Kontrollit-Kufitar.pdf