Balili në pranga/ Reagimi, OSBE: Hap i rëndësishëm në luftën kundër krimit të organizuar

Fundi i trafikantit ndërkombëtar të drogës, Klement Balili, në pranga, për Misionin e OSBE në Tiranë është një hap tjetër i rëndësishëm në luftën e Shqipërisë kundër krimit të organizuar.

“Ne do të vijojmë të mbështesim përpjekjet e vendit për fuqizimin e shtetit të së drejtësisë,” thekson Zyra e OSBE në Tiranë përgëzuar Policinë e Shtetit për arrestimin e trafikantit të akuzuar ndërkombëtar të drogës, Klement Balili.

Reagimi i plotë:

“Shohim që përpjekjet disavjeçare në luftën kundër krimit të organizuar, edhe një herë, po sjellin rezultate konkrete dhe të rëndësishme në Shqipëri. E përgëzojmë Policinë e Shtetit për arrestimin e trafikantit të akuzuar ndërkombëtar të drogës, Klement Balili. Ky është një hap tjetër i rëndësishëm në luftën e Shqipërisë kundër krimit të organizuar. Ne do të vijojmë të mbështesim përpjekjet e vendit për fuqizimin e shtetit të së drejtësisë.”