Pa shqiptarët Maqedonia nuk do t’i kishte këto të arritura

Kryetari i Parlamentit të Maqedonisë Veriore, Talat Xhaferi, tha se falë mbështetjes së shqiptarëve Maqedonia ka arritur në prag të anëtarësimit në NATO.

Në një intervistë për gazetën “Epoka e re”, Xhaferi tha se pa mbështetjen e deputetëve shqiptarë nuk do të mund të ratifikoheshin ndryshimet e nevojshme kushtetuese të parapara me marrëveshjen e Prespës e cila ia hapi perspektivën euroatlantike Maqedonisë. 

Kryeparlamentari i Maqedonisë ka vlerësuar se ka vepruar në bazë të kompetencave kushtetuese kur ka nënshkruar Ligjin për përdorimin e gjuhëve. 

Talat Xhaferi ka mohuar mundësinë që tani ky shtet të shkojë në zgjedhje të parakohshme. Sipas tij, Maqedonia nuk e ka luksin të shkojë në zgjedhje në kohën e nisjes së negociatave për integrimet euroatlantike.