19 vota shpëtojnë Qeverinë e Theresa May

Qeveria e Britanisë së Madhe me në krye Theresa May i shpëtoi votëbesimit vetëm një ditë pasi plani i saj për Brexit i cili u arritë me Brukselin zyrtar u refuzua.

Kryeministrja britanike May shpëtoi për 19 vota – 325 ndaj 306 deputetëve që konsideronin se qeveria britanike nuk e meriton votëbesimin.

Laburistët, me iniciativën e të cilëve edhe u votua votëbesimi i qeverisë, janë duke shqyrtuar lëvizjen e radhës. Ata edhe më parë kanë paralajmëruar se mund të kërkojnë një referendum të dytë për Brexit.