Bullgaria i jep fund dhënies së pasaportave bullgare për investitorët e huaj

Bullgaria do të forcojë rregullat për çështjet e shtetësisë dhe pritet t’i japë fund dhënies së pasaportës bullgare investitorëve të huaj, një praktikë shumë e kritikuar nga BE.

“Sofja do të përmirësojë legjislacionin duke synuar të heqë mundësinë e marrjes së kombësisë bullgare në bazën e investimeve,”thekson Ministria e Drejtësisë, duke shtuar se për këtë ka informuar Komisionin Evropian, raporton KTV .

Si shumë vende të tjera në BE, Bullgaria ofronte që prej vitit 2013 mundësinë e shtetësisë për të huajt që mund të investonin të paktën 500.000 euro në vend.