Kryeministri që shet Piktura/ Denoncimi, PD: Shkeli Kushtetutën, Edi Ramës i mbaroi mandati…

Deri në vitin 2014, Edi Rama ka deklaruar zero lekë nga krijimtaria artistike. Pasi bëhet Kryeministër, Edi Rama, nis të hapë ekspozita në Evropë dhe në Shtetet e Bashkuara. Për 3 vjet rresht, në 2015-2016-2017, ka deklaruar 79 milionë lekë të ardhura nga krijimtaria artistike. Duke konstatuar këtë përfitim të madh të artistit i cili u bë i njohur vetëm pasi u bë kryeministër, Partia Demokratike përmes deputetes Albana Vokshi, denoncon këtë paligjshmëri në këto ditë të ftohta dimri kur shumë qytete janë pa drita, studentët janë ende në bojkot me kërkesa minimale të parealizuara nga qeveria, fatura e ujit ka ardhur edhe më e lartë me taksën e re, shumica e shqiptarëve jeton më keq, e Edi Rama braktis detyrën për të hapur në Berlin një ekspozite të re për shitjen e krijimeve të tij duke shkelur Kushtetutën.

“Gjithçka është në kundërshtim me ligjin dhe detyrën e tij si kryeministër dhe si deputet. Ligji për parandalimin e konfliktit të interesit në ushtrimin e funksioneve publike, përcakton në Nenin 27 të tij se, “Kryeministri nuk mund të ushtrojë veprimtari private që krijon të ardhura në formën e personit fizik tregtar”, thekson Albana Vokshi duke shtuar se duke shitur krijimtarinë e tij artistike dhe duke krijuar të ardhura të deklaruara 79 milionë, kryeministri Edi Rama ka vepruar në cilësinë e personit fizik tregtar, siç e përcakton ligji për të drejtat e autorit.

 “Kjo përbën qartazi papajtueshmëri me funksionin e Kryeministrit dhe deputetit, duke shkelur hapur Kushtetutën. Në këto kushte, Kuvendit të Shqipërisë i takon të mos sillet si vegël në duart e Edi Ramës, por të ushtrojë të drejtën e vet: të konstatojë papajtueshmërinë me funksionin e Kryeministrit/deputetit dhe të deklarojë mbarimin e mandatit të Edi Ramës në bazë të Nenit 71 të Kushtetutës.”

Paligjshmëria, abuzimi me pushtetin dhe pasurimi i babëzitur janë 3 tiparet kryesore të Edi Ramës në krye të qeverisjes së vendit, thekson deputetja e Partisë Demokratike dhe këtë ai e tregoi edhe pak kohë më parë, kur u provua me dokumente zyrtare se Edi Rama nuk i justifikon 400 milionë lekët e deklaruar për vilën superluksoze të Surrelit.

“Edi Rama heshti, sepse e di që fshehja e pasurisë dhe pastrimi i parave janë vepra penale që dënohen me burgim të gjatë! Heshtja e tij dhe e institucioneve që kontrollon, mund ta ndihmojë  edhe tani për të shpëtuar mandatin nga ushtrimi i paligjshëm i detyrës së kryeministrit, por nuk do ta shpëtojë dot përgjithmonë,” vlerëson deputetja e Partisë Demokratike, Albana Vokshi, duke përfunduar:

“Ka ardhur koha t’i japim fund këtij modeli të neveritshëm dhe shkatërrues për shoqërinë tonë! Është koha të bashkohemi në protestë për të mos e lejuar më kryeministrin të shkëmbejë me ekspozita pikture, të ardhmen e fëmijëve tanë!” 

Deklarata e plotë :

Në këto ditë të ftohta Tirana dhe disa qytete të vendit janë përballur me ndërprerjen e energjisë elektrike.

Studentët janë ende në bojkot me kërkesa minimale të parealizuara nga qeveria.

Fatura e ujit ka ardhur edhe më e lartë këtë muaj nga futja e një takse të re.

Shumica e shqiptarëve jeton më keq, por kryeministri i vendit nuk do t’ia dijë.

Edi Rama e ka braktisur detyrën, për të hapur në Berlin një ekspozite të re për shitjen e krijimeve të tij, në shkelje të hapur të ligjeve dhe të Kushtetutës së vendit, e cila detyron heqjen e mandatit për deputetin Edi Rama.

Shpjegimi për këtë është fare i thjeshtë.

Deri në vitin 2014, Edi Rama ka deklaruar zero lekë nga krijimtaria artistike.

Pasi bëhet Kryeministër, Edi Rama, nis të hapë ekspozita në Europë dhe në Shtetet e Bashkuara.

Për 3 vjet rresht, në 2015-2016-2017, ka deklaruar 79 milionë lekë të ardhura nga krijimtaria artistike.

Gjithçka është në kundërshtim me ligjin dhe detyrën e tij si kryeministēr dhe si deputet.

Ligji për parandalimin e konfliktit të interesit në ushtrimin e funksioneve publike, pērcakton në nenin 27 të tij se, “Kryeministri nuk mund të ushtrojë veprimtari private që krijon të ardhura në formën e personit fizik tregtar”.

Duke shitur krijmtarinë e tij artistike dhe duke krijuar të ardhura të deklaruara 79 milionë, kryeministri Edi Rama ka vepruar në cilësinë e personit fizik tregtar, siç e përcakton ligji për të drejtat e autorit.

Kjo përbën qartazi papajtueshmëri me funksionin e Kryeminstrit dhe deputetit, duke shkelur hapur Kushtetutën.

Në këto kushte, Kuvendit të Shqipërisë i takon të mos sillet si vegël në duart e Edi Ramës, por të ushtrojë të drejtën e vet: të konstatojë papajtueshmërinë me funksionin e Kryeministrit/deputetit dhe të deklarojë mbarimin e mandatit të Edi Ramës në bazë të nenit 71 të Kushtetutës.

Paligjshmëria, abuzimi me pushtetin dhe pasurimi i babëzitur janë 3 tiparet kryesore të Edi Ramës në krye të qeverisjes së vendit.

Ai e tregoi këtë edhe pak kohë më parë, kur ne provuam me dokumenta zyrtarë se Edi Rama nuk i justifikon 400 milionë lekët e deklaruar për vilën superluksoze të Surrelit.

Edi Rama heshti, sepse e di që fshehja e pasurisë dhe pastrimi i parave janë vepra penale që dënohen me burgim te gjatë!

Heshtja e tij dhe e institucioneve që kontrollon, mund ta ndihmojë  edhe tani për të shpëtuar mandatin nga ushtrimi i paligjshëm i detyrës së kryeministrit, por nuk do ta shpëtojë dot përgjithmonë!

Ka ardhur koha t’i japim fund këtij modeli të neveritshëm dhe shkatërrues për shoqërinë tonë! Është koha të bashkohemi në protestë për të mos e lejuar më kryeministrin të shkëmbejë me ekspozita picture, të ardhmen e fëmijëve tanë!