Seanca plenare/ Replika me Berishën, Rama kalon jo vetëm vijën e bardhë: Gruas time ti i ha…

Ndonëse u inkuadrua me vonesë në punimet e seancës plenare të Parlamentit, kryeministri Edi Rama erdhi i karikuar vetëm për sherr. Studentët, Zëri i Amerikës, FMN dhe gjendja e rëndë në të cilin ndodhet vendi, bënë që në fillim Rama të jetë i shpërfytyruar në komunikim me Ish-Presidentin edhe pse ai më pas e konsideroi vetëm si një “replikë të detyruar”.

“Unë nuk të pyeta a ke marrë ftesa nga SHBA, nuk ishte kjo pyetje, dhe nga ana tjetër, duke menduar se si ta japësh përgjigjen pa e dhënë, bëre një gabim, the që nuk dal jashtë shtetit për arsye pune, po ti jo vetëm del jashtë shtetit, por merr Fatmir Mediun, shkon në Bundestag e nuk lë llaf pa thënë për Shqipërinë, informon edhe ndjekësit e tu dixhitalë, nuk e diskutoj që kanë mal për ty në gjithë globin, të pyeta e kalon dot oqeanin, apo jo. Sali kam pas një shok si ty unë, që kur fliste nga bankat ishte trim i madh, po të them kaq, jam shumë i dëshiruar, nuk jam si ti, mendon që nderi i zyrës ku unë jam si ti ishe dje, e do që unë të jem i dëshiruar që ti vërtetë ta kalosh oqeanin, por si përgjigjesh më bën të mendoj se ka një problem. Sidoqoftë bëre mirë që u përgjigje ashtu se këtë herë nuk ta bëj pyetjen që do vijë mbrapa, por ki kujdes sepse e mbylle fjalën me një çështje e cila nuk kishte lidhje me pyetjen, the që i kam hyrë një loje të rrezikshme, më ngatërrove me Lulin, më vjen mirë që na ngatërron se na sheh të afërt. Është Luli që ka paguar para nëpërmjet miqve rusë për një fotografi, mos harro se akuza, se kam paguar 20 mln dollarë për të takuar presidentin e SHBA rëndon edhe presidentin e SHBA jo mua, se ai dhe çdo zyrtar amerikan është i ndaluar të bëjë një gjë të tillë, ti nuk e ke problem se tani nuk të numërohet më se çështja e vizës është përcaktuar, por po të them një gjë, Sali, SHBA ti i ke sfiduar disa herë, edhe në këtë foltore kur i ke quajtur autoret e rrëzimit tënd këtu bashkë me të ndjerin Gazidede dhe me të mirënjohurin Blerim Çela, më kujtohen fjalimet pas zgjedhjes së Tramp se sa i thërrisnit të vinte t’iu ndihmonte.

Jeni si ata që thërrasin: Guri do të na rrahin, por Guri nuk vjen te ju, se nuk ka se si vjen tek ju. Ti je njeri që je marrë me gratë, vajza, nipa mbesa e kë ‘sje marrë, je njeri që nuk ke Kanun, ligj, gruas time dhe familjes time ti i ha ato që nuk thuhen.”

Çuditërisht deputetët socialistë e duartrokitën edhe këtë lloj fjalimi ndërsa demokratët shprehën indinjatë si ndaj këtij fjalori ashtu edhe faktit që shqiptarët kanë një kryeministër të kësaj race njerëzore, e Ish-Presidenti Berisha u përgjigj:

“Ti je një fundërrinë që u merr shokëve gratë. Je i pafytyrë. I merr gruan e shokut. Nuk ke as moral o horr. Je njeri që shkel çdo normë e moral. Mohon djalin tënd. Ke akuzuar babën për incest. Je fundërrinë njerëzore. Lëri ato, një herë oqeani një herë SMS. Zëri i Amerikës thotë se karrigia jote qëndron mbi krimin. Del e shan si rrugaç ordiner duke dëshmuar një moral më të ultin njerëzor. Je ti që i merr shokut gruan o i pafytyrë.”

Dhe Rama sërish vazhdoi:

“Vetëm ilustrove atë që të thashë. Që nuk ke lidhje me asnjë libër të rregullave të bashkëjetese. Në vitin 2000 ti së bashku me disa rreth teje, ke fabrikuar një dokument falso, sipas të cilit unë kam bërë gjyq dhe kam mohuar atësinë e djalit tim. Je ti që ke ushqyer këtë gjë dhe ke shkaktuar dhimbje dhe lot në familjen time. Vizat e bardha, vizat e mallit e ndolle. Unë nuk kam lidhje as me vizat e mallit as me vizat e bardha, ti shiko vijën e kuqe që të ndan përtej oqeanit.”

Për të marrë përgjigje nga Sali Berisha edhe për faktin se pse njohur djalin me detyrim, ku meritë të veçantë i njohu Ilir Metës:

“Çfarë i tha Besnik Mustafajt, tre gjera i tha: nuk vjedh, nuk vras dhe nuk marr gruan e shokut, ja the o i pafytyrë, ja ke thënë apo jo, fol këtu. Sa për dokumentet ti ka botuar Ymer Baze. Ilir Meta ka deklaruar se, të ka detyruar të njohësh djalin se për ndryshe nuk do të njohë kryetar bashkie. Të ka detyruar të japë kafshatën. Po kujton se Sali Berisha nuk do ti përmendë këto. Edhe kafshën, edhe derrin, edhe lopën, edhe gomarin, edhe qenin po ta shohësh që nuk kujdeset për këlyshin do ta heqësh qafe. Ky duhej hequr qafe që atëherë. Ai që ja bëri rri gjithë ditën në zyrën e tij. Sepse ai ka dosjen origjinale, ka kartelën klinike origjinale, i ka të gjitha.” 

Por këtë moment kryetari i Parlamentit gjykoi se kësaj replike duhet dhënë fund:
“Replika mbaroi, nuk ka asnjë sekondë. Berisha ulu poshtë. Doni që minutat që përdori kryeministri ti përdorë Berisha?” tha Gramoz Ruçi ndërsa deputetët iu afruan foltores dhe kërkuan që Ruçi të hapë mikrofonin. Berisha nuk u largua nga foltorja ndërkohë kryepolici komunist Ruçi ndërpreu seancën duke kërcënuar se do nxirrte jashtë deputetët e opozitës “Berisha po të tërheq vëmendjen për bllokim të seancës. 10 minuta pushim…”