Skadon afati/ Ministrja Shahini heshtë, pedagogët nisin grevën…

Pas përfundimit të afatit njëjavor që i kishin lënë qeverisë për plotësimin e kërkesave të tyre të mëparshme, Asambleja e Personelit Akademik të FSHS ka marrë vendimin e radhës.

Pedagogët e Fakultetit të Shkencave Sociale, pas takimit të përbashkët të Asambleve të UT, dhe në mungesë të një përgjigje nga ministrja e Arsimit, Besa Shahini, kanë vendosur:

-Të nisin grevën e pedagogëve

-T’u bëjnë thirrje asambleve të të gjitha fakulteteve të UT që të mblidhen sa më parë për të koordinuar veprimet

-T’u bëjmë thirrje të gjitha asambleve dhe pedagogëve të Universiteteve Publike që t’i bashkohen grevës së përgjithshme.

Ndryshe, pas takimit me ministren e Arsimit, kreu i departamentit të  Gazetarisë, Mark Marku tha se nga takimi me Besa Shahinin nuk është arritur asgjë dhe se i kanë lënë afat deri në darkë për të marrë në konsideratë kërkesat e tyre:

“Nese s’do ketë qëndrim nga Ministrja, do e marrim si refuzim të kërkesave tona,” tha Mark Marku.