Sulmon pedagogët/ Këshillon studentët, Rama: I shkoni në shtëpi Rektorit dhe…
I gjendur në një situatë kaotike të krijuar nga Ligji i Arsimit të Lartë që e ideoi vetë, Kryeministri Edi Rama duke sulmuar sot pedagogët që në mungesë të një Pakti me ministren e Arsimit, e në solidarizim me studentët njoftojnë nisjen e grevës, zgjidhjen e gjenë tek formula partizane e vitit 1945 me të cilën u mallëngjye nga filmi “Radio Tirana”:
“Mark Markëve i bëni një pyetje, sepse kërkesat e studentëve nëse nuk do ti ngatërroni kohët dhe sistemet lidhen me universitetet, me ata, edhe tarifat duhet ti bëjnë ata, por po i bëjmë ne,” tha Edi Rama sot në një takim me studentët e konviktit te Mjekësisë.
“A janë dakord ata, Mark Marku me shokë për vlerësimin e titujve akademikë, të thonë si e duan dhe kur e duan. Këtë nuk e thonë dot, e keni parë atë pikën që të ndalojë denigrimi, kush po i denigron, pse nuk kanë të drejtë studentët që thonë se na shesin librat e tyre. Të thonë që janë dakord të ndalojë tregtia e librave dhe pyetja e tretë është,” tha kryeministri si gjithmon
ë duke e idenfitikuar fajtorin tek tjetri, në këtë rast ata pedagogë që nuk pajtohen me politikat e tijë denigruese ndaj Arsimit:
“Janë dakord ata, që cdo vit studentët të bëjnë një vlerësim, të performancës së pedagogëve, a janë dakord ata, të mos thonë po, por si e duan ata dhe kur, aty do kuptojmë se për ca e bëjnë grevën, për ju, për ca e duan abrogimin e ligjit?”
Më tej, Rama u është drejtuar studentëve:
“E keni më të lehtë të protestoni ndaj meje, sepse ndaj cave Mark Mark aty që kanë hallet e tyre. Unë nuk shkoj dot të hap derën e universitetit atje. Më vjen shumë mirë që e keni marrë vesh që unë nuk të vras, unë maksimumi, ju coj ndonjë shigjetë me fjalë, të dëgjoj dhe këtu ke të drejtë, më pëlqen, s’më pëlqen, më vure në pozitë apo jo, unë jam këtu të të shërbej.”
“Radio Tiana”
Studentëve u tha të mos rrinë si pula, e të lejojnë Mark Markët ti mbajnë peng rrugëve, por zgjidhja e tij është më shumë se kriminale:
“Pakica pengon shumicën që të zhvillojë mësim. Shkoni në mësim sepse do humbisnin vitin akademik”- tha Rama.
Me mendësinë e “Radio Tiranës” së viteve ’45 kryeministri Edi Rama nuk njehë tjetër rrugë ligjore, ndërsa këshilla që ai u jep studentëve është kriminale:
“I shkoni në shtëpi rektorit dhe i thoni dil jashtë, se merr paga edhe nga 13 borde, dil jashtë dhe hajde këtu, më hap universitetin të marr dokumentet për bursat. Shkoni rrinë atje të dera e universitetit. Nëse e kërkoni këtë nga unë dhe qeveria e kërkoni në derën e gabuar, pasi nuk mund të fusim policinë nëse nuk e kërkon rektori. Po me cfarë merret rektori, nëse nuk garanton mësimin? Cfarë borxhi kanë prindërit që të humbasë fëmija vitin dhe të presë që të hapet dera. Unë vij me ju, por mblidhuni atje, ajo ne shkuam atje, por na thonë se jeni të FRESSH-it.”
