Kapen 17 kg heroinë, arrestohet një shqiptar. Ja emri…

Në vendkalimin kufitar me Malin e Zi, Bozhaj, doganierët malazezë kanë kapur 17 kg heroinë dhe kanë arrestuar E.A,35 vjeç, nga Shqipëria.

Drejtoria e Policisë dhe Drejtoria e Doganave e Malit të Zi ka bërë të ditur se  E.A. është arrestuar për shkak të dyshimit të bazuar se kishte kryer vepër penale të prodhimit të paligjshëm dhe shitjes së substancave narkotike.

“Në fakt, zyrtarët e policisë OGB Tuz dhe zyrtarët e doganës CI Bozhaj, më 04.02.2019 rreth orës 21:40, kanë kontrolluar kamionin e tipit ‘Daf’ me rimorkio ‘Schwarzmuller’ të cilin e drejtonte E.A.” bënë të ditur Drejtoria e Policisë dhe Drejtoria e Doganave e Malit të Zi, duke shtuar se me këtë rast janë përdorur qentë e policisë.

“Në kroskotin e kabinës janë gjetur 18 paketime me përmbajtje të një materie në formë pluhuri për të cilën dyshohet se është heroinë, derisa në një bunker tjetër janë gjetur edhe 12 paketime me po këtë përmbajtje,” theksohet në komunikatë. Gjithsejtë janë sekuestruar 30 paketime me substancë që dyshohet se është heroinë me një peshë prej 17 kilogram, e cila në treg vlerësohet 500 mijë euro.