Protokolli/ Maqedonia e Veriut, anëtari i 30-të i NATO-s

Sot në Bruksel është firmosur Protokolli për anëtarësimin e Maqedonisë së Veriut në NATO.

Ministri i Jashtëm i Maqedonisë, Nikolla Dimitrov e ka firmosur
Protokollin e Anëtarësimit së bashku me përfaqësuesit e 29 vendeve anëtare, gjatë një ceremonie të kryesuar nga Sekretari i Përgjithshëm i Aleancës, Jens Stoltenberg.

“Sot është ditë historike. Të gjithë aleatët e NATO-s kanë firmosur Protokollin e Anëtarësimit të Maqedonisë, që do të garantojë më shumë siguri dhe prosperitet për gjithë rajonin. E pres me kënaqësi ditën kur 30 flamuj do të valëviten jashtë selisë së NATO-s,” thekson pas ceremonisë përmes një postimi në Twitter, Jens Stoltenberg.