Lezhë-Milot, era e fortë përmbys edhe një kamion

Moti i keq vazhdon të vështirësoj lëvizjen në akset kombëtare ndërkohë për të gjithë ata që nuk janë të informuar, lëvizja në superstradën Lezhë-Milot me erë të fortë, vazhdon të jetë burim i aksidentit.

Kështu, një tjetër kamion është përmbys si pasojë e erës së fortë në superstradën Lezhë-Milot. Për fat të mirë nuk ka të lënduar, ndërsa është bllokuar edhe një aks i rrugës. Në vend kanë shkuar edhe forcat policore ndërkohë që po punohet për zhbllokimin e rrugës.

Ndryshe, në mëngjes një kamion është përmbys afër Urës së Milotit për shkak të erës së fortë por fatmirësisht nuk kishte të lënduar.