“Dosja 339”, Paloka: Safet Gjici ka blerë vota në Kukës për PS

Presidenti i skuadrës së Kukësit, Safet Gjici ka dalë në përgjimet e ndërkombëtarëve duke blerë vota në Kukës për Partinë Socialiste. Këtë e bëri të ditur sot Nënkryetari i PD, Edi Paloka duke shtuar se janë 400 CD me përgjime të reja nga “Dosja 339”.

“Po e them për ju për herë të parë. Safet Gjici në Kukës ka dalë në përgjimet e shërbimeve të huaja për blerje votash. Janë 400 CD të tjera që nuk janë zbardhur tek dosja 339. A do i zbardhi kjo Prokurori? Kush t’i hetojë kjo prokuroi që është sot? Këtyre CD nuk do u dihet fati nëse vazhdohet me këto prokurori,” tha Edi Paloka duke folur në emisionin ”Kjo Javë“ në News24.

Lidhur me djegien e mandateve, Nënkryetari i PD, Edi Paloka, e vlerësoi si vendim të duhur sepse Parlamenti nuk funksiononte dhe Opozita nuk kishte më akt tjetër që mund të ndërmerrte.