Mueller: Manafort ka shkelur ligjin disa herë

Zyra e këshilltarit të Posaçëm, Robert Mueller, i ka thënë një gjyqtari amerikan se udhëheqësi i fushatës së presidentit të Shteteve të Bashkuara, Donald Trump, Paul Manafort, e ka thyer ligjin disa herë dhe nuk meriton “zbutje” gjatë gjykimit.

Ky rekomandim erdhi pas seancës dëgjimore të Manafortit që u bë publike më 23 shkurt, raporton RFE.

Mueller është duke hetuar rolin e Rusisë në zgjedhjet presidenciale në SHBA më 2016, si dhe bashkëpunimin e mundshëm të ish udhëheqësit të fushatës me Moskën. Presidenti Trump kishte kundërshtuar të gjitha akuzat si dhe Moska ka kundërshtuar ndërhyrjen në zgjedhjet në SHBA.

Së paku 34 persona kanë pranuar fajësinë apo janë paditur në lidhje me hetimet e Muellerit.

Manafort, po ashtu akuzohet për pastrim të parave dhe konspiracion apo manipulim me dëshmitarët e rastit.