Dorëheqjet e deputetëve/ Parregullsi, KQZ i kthen listën Parlamentit
Lista me dorëheqjet e parevokueshme nga mandati i deputetëve të opozitës janë kthyer sërish në parlament për parregullsi nga ana e KQZ.
Komisioni Qendror i Zgjedhjeve thekson se Parlamenti nuk ka bërë deklarimin e përfundimit të mandatit dhe nuk ka shpallur vakancën por ka sqaruar paqartësitë duke bërë që tashmë KQZ të vijojë procesin e zëvendësimit të mandateve.
Komisioni Qendror i zgjedhjeve i ka kthyer mbrapsht Parlamentit listën me dorëheqjet e deputetëve të opozitës me pretendimin se procedurialisht ishte e parregullt.
Parregullsitë sipas KQZ qëndrojnë në faktin se Parlamenti nuk kishte deklaruar përfundimin e mandatit për 56 deputetët e opozitës dhe shpalljen e vakancës, çka vë në lëvizje këtë institucion për të gjetur zëvendësuesit.
Po ashtu edhe për kandidatët për listat jo fituese, KQZ është shprehur se nuk do t’i pranojë dorëheqjet paraprake pasi ata nuk kanë si të dorëhiqen nga diçka që nuk e zotërojnë.
Megjithatë për parregullsitë e pretenduar për listën e 56 deputetëve, Parlamenti ka dhënë sqarimet e nevojshme dhe ia ka përcjellë sërish brenda ditës listat me dorëheqjet duke mos e vonuar këtë proces. Pas kësaj procedure Komisioni Qendror i Zgjedhjeve pritet të nisë procedurën për zëvendësimin e vakancave.
