Video/ Shqiptari kërcënon gruan me thikë në fyt. Ja historia që ka shokuar Anglinë…
Ardian Rragami është arrestuar pasi ishte filmuar duke kërcënuar gruan e tij me thikë. Por sot ai kërkon anulimin e vendimit për të mos u deportuar nga Anglia me argumentin se largimi i tij do e ndante nga familja.
Historia e 47 vjeçarit Ardian Rragami ka tronditur Anglinë. “The Sun” shkruan se djaloshi shqiptar Ardian Rragami, pretendon të drejtat e familjes për të qëndruar në Britani të Madhe, por gruaja e tij e tmerruar druan se abuzimi “nuk do të ndalet derisa të dëbohet”.
Për herë të parë ai u ekstradua nga Britania e Madhe në Shqipëri në vitin 2009 për të vuajtur një dënim 15 vjeçar për një vrasje. Por pasi kaloi vetëm 4 vite në burg u rikthye për të jetuar në Britaninë e Madhe.
Duke u prezantuar si një refugjat kosovar me emrin “Ardian Gashi”, ai shkoi për herë të parë në Angli pasi vrau fqinjin e tij në një lokal në Shkodër në vitin 1998.
Në vitin 2000, Rragami u dënua me 15 vite burg në mungesë por nuk u ekstradua në Shqipëri deri në vitin 2009, ku vuajti vetëm një pjesë të dënimit të tij.
Ai kaloi kufirin në vitin 2016 dhe shkoi në Wickford, Essex me gruan e tij britanike Chrysoulla Michaels dhe dy vajzat e tyre, 13 dhe 15 vjeçe.
Rragami u arrestua në qershor të atij viti, pasi Daily Mail zbuloi se ishte kthyer në Britani pas ekstradimit të tij.
47-vjeçari u lirua me kusht dhe iu vendos një byzylyk elektronik. Tani po “lufton” për t’iu shmangur një ekstradimi të dytë në Shqipëri.
Shumë kriminelë të huaj citojnë të drejtën për një jetë familjare sipas nenit 8 të Ligjit për të Drejtat e Njeriut kur përballen me dëbimin.
Por Rragami është parë filmuar duke i vendosur thikën gruas së tij në fyt, në shtëpinë e tyre në Wickford. Ishte mbesa e tij që filmoi 47-vjeçarin duke kërcënuar Michaels.
Në Gjykatën e Gjykatës së Basildon ai u deklarua fajtor për sulm ndaj zonjës Michaels duke e goditur atë dhe duke i prerë nofullën me një thikë kuzhine, si dhe duke sulmuar një fëmijë.
Por Rragamit iu dha një dënim 8-mujor, i cili u pezullua, kështu që ai u largua nga gjykata. Nëse ai do të ishte burgosur për të paktën 12 muaj, vrasësi do të dëbohej automatikisht.
Tashmë bashkëshortja e tij Michaels, e cila punon parukiere, po i lutet qeverisë britanike për deportimin e shqiptarit.
“Ardiani ka përdorur të drejtën e tij për një jetë familjare që të qëndrojë këtu. Kam ngecur e mbërthyer tek ai dhe derisa të deportohet nuk do ndalet kurrë,” tha ajo për “The Sun”.
