Nis takimi Basha-Kryemadhi me delegacionin e PE-së

Delegacioni i Parlamenti Evropiant, kanë nisur një takim me kryetarin e Partisë Demokratike, Lulzim Basha dhe kryetaren e Lëvizjes Socialiste për Integrim Monika Kryemadhi.

Kreu i delegacionit dhe Eurodeputeti i Partisë Popullore, Tune Kelam i ka kërkuar qeverisë dhe opozitës që të zgjidhin situatën e krijuar javët e fundit  me anë të dialogut konstruktiv.

 “Ne dënojmë me forcë retorikën politike që nxit dhunën dhe i kërkojmë opozitës që të riangazhohet me jetën parlamentare. Qeveria dhe opozita duhet ta kapërcejnë këtë situatë nëpërmjet dialogut konstruktiv.”

Delegacioni prej 7 eurodeputetëve, në Tiranë do të takojnë Presidentin Ilir Meta dhe kryeministrin Edi Rama. Pas Shqipërisë, ata do të udhëtojë drejt Shkupit.