Këlcyrë, Edi Rama përsërit “Unazën e Re”!

Kryeministri Edi Rama nuk është mjaftuar me projektin e Unazës së Madhe në Tiranë për të flakur në rrugë qindra familjarë nga Unaza e Re që preken nga ky projekt, për qëllimet e tij klienteliste. Por, projekt të ngjashëm ka nisur edhe në Këlcyrë.

Në qendër të Këlcyrës kërkohet të shemben 25 objekte shumica prej të cilave shtëpi banimi të ndërtuara shumë vite më parë.

Banorët kanë kërkuar të informohen për projektin e detajuar të kësaj zone, si detyrim ky ligjor, por kjo është kundërshtuar në mënyrë kategorike nga pushteti. Duke pasur parasysh heshtjen e pushtetit ndaj këtyre kërkesave të banorëve që janë adresuar prej javësh, janë shtuar dyshimet për një vepër korruptive.

Sot qytetarët e Këlcyrës protestojnë kundër arbitraritetit dhe arrogancës qeverisëse, si asaj lokale ashtu edhe qendrore.

Dhe, ngjashëm si në rastin e Unazës së Re në Tiranë, banorët kërkojnë që nëse ky projekt do të realizohet, shpronësimi të bëhet me çmime reale dhe jo arbitrare.