Putin e nënshkruan tërheqjen nga pakti bërthamor me SHBA

Presidenti i Rusisë, Vladimir Putin, e ka nënshkruar dekretin e suspendimit të traktatit për armët bërthamore me SHBA-në, që daton nga Lufta e Dytë Botërore, raporton Reuters.

Rusia pati thënë muajin e kaluar se do të suspendojë traktatin pasi Shtetet e Bashkuara fillimisht thanë se do të tërhiqen nga marrëveshja.

Washingtoni e ka akuzuar Rusinë për shkeljen e saj me krijimin e raketës 9M729.

Moska e mohon se raketa në fjalë është në kundërshtim me marrëveshjen, raporton RFE.

Ditë më parë Sekretari i Përgjithshëm i NATO-s, Jens Stoltenberg, tha se NATO duhet të jetë e përgatitur për një botë pa këtë Traktat dhe me më shumë raketa ruse.

“Raketat e reja ruse kanë kapacitet bërthamor, ato mund të arrijnë në qytetet evropiane, janë të vështira për t’u vërejtur andaj është e rëndësishme që të vazhdojmë t’i bëjmë thirrje Rusisë të veprojë në përputhje me paktin,” deklaroi Stoltenberg.

Traktati është nënshkruar në vitin 1987 nga presidenti i atëhershëm i SHBA-së, Ronald Reagan, dhe udhëheqësi sovjetik, Mikhail Gorbachev.

Traktati, i cili ka eliminuar një klasë të tërë të raketave nga Evropa, konsiderohet kyç për stabilitetin strategjik mes Washingtonit dhe Moskës.