Zgjedhjet 2019/ Misioni i OSBE/ODIHR në Tiranë. Takim me Bashën në…

Një mision faktmbledhës i OSBE/ODIHR pritet të mbërrijë sot në Tiranë për një vizitë dy ditore në Shqipëri.

Përfaqësuesit e OSBE/ODIHR, Ana Rusi dhe Alexey Gromov do mbërrijnë në Tiranë në misonin e tyre faktmbledhës në kuadër të zgjedhjeve lokale të 30 qershorit ku për dy ditë do të zhvillojnë takime me përfaqësuesit e partive politike nga mazhoranca dhe opozita.

Misioni faktmbledhës i OSBE/ODIHR sot në orën 18:00 do të zhvillojë takim me Kryetarin e Grupit Parlamentar të PS, Taulant Balla ndërsa në orën 19:00 do zhvillojnë takim me kyetarin e PD, Lulzim Basha.

Ndryshe, dje edhe pas kërcënimit të Komisionit Qendror të Zgjedhjeve, KQZ, drejtuar partive politike se nëse nuk dorëzojnë propozimet për anëtarë të KZAZ-ve nuk do të tolerojnë asnjë vonesë, meqë cenohet përgatitja profesionale e komisionerëve, rrezikohet mbarëvajtja e procesit dhe dëmtohet cilësia e zgjedhjeve, PD dhe Aleatët nuk i kanë dorëzuar këto propozime.