Beteja s’ka mbaruar, Edi Paloka: Deri sa të kthehet demokracia në Shqipëri!

Pas pesë orësh, mbyllet protesta e Opozitës së Bashkuar me zotimin e e Nënkryetarit të Partisë Demokratike, Edi Paloka se nuk do të ketë asnjë ditë stabilitet për këtë qeveri të krimit deri sa të kthehet demokracia në Shqipëri.

“Beteja jonë nuk ka mbaruar. Jemi nisur për një rrugë që nuk ka fund tjerët veç fitores. Nuk ka asnjë forcë që të mbajë qytetarët për të mos protestuar për të drejtat e tyre. Sa më shpejt ta kuptojnë këtë, aq më mirë do të jetë edhe për ta. Nuk ka asnjë forcë që ndal qytetarët të protestojnë për të drejtat e tyre. Nuk ka asnjë forcë të na ndalë në rrugën tonë për një demokraci të vërtetë në Shqipëri. Dhe nuk do të ketë, për ata që mendojnë se stabiliteti ka më shumë rëndësi se demokracia. Nuk do të ketë asnjë ditë stabilitet për këtë qeveri të krimit, derisa demokracia të rikthehet në Shqipëri,” tha Edi Paloka i bindur se kësaj rruge do t’i shkojnë në fund shumë shpejt.

Pesë orë protestë!

Protesta e gjashtë Opozitës së bashkuar filloi para Parlamentit aty ku mazhoranca dhe opozita e Edi Ramës po zhvillonte seancën plenare, për tu zhvendos më pas drejtë Drejtorisë së Policisë së Tiranës aty ku ishin shoqëruar disa protestues nga policia.

Pasi përfaqësuesit e PD dhe LSI për 30 minuta qëndruan në Drejtorinë e Policisë së Tiranës, me të dalur Kryetarja e LSI-së Monika Kryemadhi tha se kishin një ultimatum të qartë për policinë, që të lironin protestuesit, në të kundërt askush nuk do largohej.

Veprimet joprofesionale të policisë dhe provokimet e rënda me kërcime për përdorim force nga ana e policisë së Ish-Gjeneral Sandër Lleshajt, tensionuan situatën, kur dhe u morr vendimi që të protestuesit të tërhiqen në selinë e Partisë Demokratike. Sot protesta u mbyll por beteja nuk mbaroi, dhe siç tha, Nënkryetari i PD, Edi Paloka, rruga në të cilën janë nisur nuk ka fund tjerët veç fitores.