Thaçi: UÇK në tokë dhe NATO në ajër kapitulluan Millosheviçin

Presidenti i Kosovës, Hashim Thaçi, duke kujtuar 20-vjetorin e bombardimeve të NATO-s, ka deklaruar se 24 marsi i vitit 1999 ishte pikënisje e ndalimit të gjenocidit dhe rikthim i shpresës sonë për liri e pavarësi.

UÇK në tokë dhe NATO në ajër, tha ai, në luftën e përbashkët për paqe, e detyruan kapitullimin e regjimit të Millosheviçit.

Ndërhyrja e NATO-s ndaloi spastrimin etnik, tha Hashim Thaçi, dhe kjo na obligon që me përkushtim të shtuar institucional dhe politik t’i ruajmë dhe t’i garantojmë të drejtat e të gjitha komuniteteve që jetojnë në Kosovë.