“Financimi i PD”/ Prokuroria dhe Taulanti kërkojnë hetimin, Zguri: PS e ka kundërshtuar në KQZ!
“Nuk do gjeni në karrierën tuaj politike dhe në historikun e KQZ, rast më të pastër të shkeljes së ligjit të financimit të partive politike.” Kështu u shprehë deputeti i PS në Komisiononin e Ligjeve, Alket Hyseni duke i kërkuar KQZ-së hetim për kontratat e lobimit të PD në SHBA, por kryetari i Komisionit Qendror të Zgjedhjeve ,Klement Zguri,sqaroi se kanë qenë anëtarët socialistë në KQZ që nuk e kanë dashur një veprim të thelluar në lidhje me këtë çështje.
“Rasti konkret që ju flisni ka qenë një propozim i administratës prej meje për të pasur thellim të gjerë për këtë gjë dhe është refuzuar nga anëtarët tuaj.”
Me rastin e prezantimit të Raportit vjetor Komisioni Qendror i Zgjedhjeve i ka kërkuar Parlamentit që të mos lejojë shkeljen e afateve prej partive politike në procesin e administrimit të zgjedhjeve vendore ndërsa nuk fshehu dhe shqetësimin se procesi zgjedhor do të cënohet nga një marrëveshje e mundshme politike si ajo e 18 majit.
“Përplasja politike me shumë gjasë nuk ka për ta lënë KQZ pa e përfshirë në vorbullën e vetë. Përplasja politike do të godasë edhe zgjedhjet lokale, së paku në administrimin e tyre. Ju lutem mbajeni në vëmendje këtë shqetësim, sepse mund të ketë nevojë për ndërhyrjen tuaj,” tha i shqetësuar kryetari i KQZ, Klement Zguri.
