“Opozita e Edi Ramës”, Fatmir Guda refuzon mandatin!

Kandidati i Partisë Demokratike për deputet i Qarkut të Korçës, Fatmir Guda ka refuzuar mandatin e deputetit të “Opozitës së Edi Ramës” duke sqaruar se pse asnjë lloj tundimi, presioni apo shantazhi që nuk ka munguar gjatë këtyre ditëve, nuk e ka dyzuar aspak ta refuzoj prerazi mandatin e ardhur në mënyrë antikushtetuese:

“Kushtet në të cilat më ofrohet marrja e mandatit të deputetit janë krejtësisht larg normalitetit, pasi institucioni bazë i demokracisë gjendet në krizën më të thellë të përfaqësimit të tij, për shkaqe të njohura botërisht, që fillojnë nga përfshirja në të e elementëve të botës së krimit dhe deri tek përdorimi i tij në mënyrë autoritariste për uzurpimin në një dorë të vetme të të gjitha pushteteve. Në princip është vetëm një parlament i dalë nga lekët e krimit dhe me detyrimin e vetëm për t’i shërbyer interesave të krimit,” thekson Kandidati i Partisë Demokratike për deputet i Qarkut të Korçës, duke folur për situatën që u ka diktuar partive opozitare edhe vendimmarrjen politike më të papreçedentë , siç është akti ekstrem i djegies në grup të mandateve parlamentare.

Përmes rrjetit social Facebook, Fatmir Guda sqaron se sikur edhe me qindra herë të tjera ti ofrohej një mundësi e tillë, në të tilla rrethana, pa u menduar dy herë, njëllojë do ta refuzonte:

“Aspak i lumtur për katandinë e mexhlisit të popullit tim, edhe unë kam zgjedhur të rri me qytetarët dhe s’do të rresht së kontribuari dhe luturi në zot, që Shqipëria jonë ti rikthehet stabilitetit dhe vlerave të demokracisë evropiane!”

Ja postimi i plotë:

ËSHTË NDER DHE PRIVILEGJ TË QËNËT PJESË E PARLAMENTIT TË VËNDIT TËND, TË PËRFAQËSOSH DHE MBROSH ATJE INTERESAT E QYTETARËVE TË TU! Por ja, që kushtet në të cilat më ofrohet marrja e mandatit të deputetit janë krejtësisht larg normalitetit, pasi institucioni bazë i demokracisë gjendet në krizën më të thellë të përfaqësimit të tij, për shkaqe të njohura botërisht, që fillojnë nga përfshirja në të e elementëve të botës së krimit dhe deri tek përdorimi i tij në mënyrë autoritariste për uzurpimin në një dorë të vetme të të gjitha pushteteve. Në princip është vetëm një parlament i dalë nga lekët e krimit dhe me detyrimin e vetëm për t’i shërbyer interesave të krimit. 
Është kjo situatë që dhe u ka diktuar partive opozitare vendimarrjen politike më të papreçedentë , siç është akti ekstrem i djegies në grup të mandateve parlamentare.
Pa dashur të abuzoj e ta bëj edhe më qesharak termin “u konsultova me ndërkombëtarët”, ju bëj me dije, se përveç leximit qartë të verdiktit unanim të strukturave drejtuese të PD dhe opozitës së bashkuar, të vetmit me të cilët mbartja detyrimin për tu konsultuar ishin ata që më kanë mbështetur në të gjitha sfidat e mia politike, sikundër edhe gjatë fushatës elektorale të 2017, të cilët më kërkuan të mos dilja jashtë vullnetit politik të subjektit që unë përfaqësoj.
Edhe pse e gjykuam se parlamenti ishte vëndi dhe rasti i duhur për të ngritur me forcën e arsyes një nga çështjet më me rëndësi siç është korrigjimi i hartës territoriale administrative, konkluduam se ky institucion tashmë e ka humbur legjitimitetin dhe moralin dhe axhenda e tij është vetëm në funsion të narkoshtetit e me një mungesë të theksuar të dëshirës për të dëgjuar çdo zë opozitar. Ndaj dhe emergjencë kombëtare është zvëndësimi sa më herët i tij me një kuvend shqiptarësh të dalë nga vullneti i lirë i qytetarëve. 
Ja përse asnjë lloj tundimi, presioni apo shantazhi i pamunguar i këtyre ditëve s’më ka dyzuar aspak ta refuzoj prerazi mandatin e ardhur antikushtetuetshmërisht, duke shpresuar shumë, se me këtë akt nuk do jem i vetmi që do i vij sado pak në ndihmë dhe një sahat e më parë zgjidhjes së krizës politike në vënd.
Dhe së fundi, pa dashur aspak t’ju lë shijen e një “skllavi” apo “heroi” partiak dua tu bëj me dije se, 
ME QINDRA HERË TË TJERA TË MË OFROHEJ NJË MUNDËSI E TILLË, NË TË TILLA RRETHANA, PA U MENDUAR DY HERË, PO NJËLLOJ DO TA REFUZOJA. 
Aspak i lumtur për katandinë e mexhlisit të popullit tim, edhe unë kam zgjedhur të rri me qytetarët dhe s’do të rresht së kontribuari dhe luturi në zot, që Shqipëria jonë ti rikthehet stabilitetit dhe vlerave të demokracisë evropiane!