BE financon nyjën e gazsjellësit Greqi-Bullgari

Komisioni Evropian, KE, ka miratuar 33 milionë euro për financimin e linjës interkonjeksionit të gazit Greqi-Bullgari, projekt ky me vlerën totale prej 145 milionë euro.

Me këtë projekt, konsumatorët do të gëzojnë çmimin më të ulët për shkak të rritjes së konkurrencë në tregun e gazit, ka vlerësuar KE.

Para këtij vendimi, Kompania ICGB, e cila po punon në zhvillimin e linjës së interkonjeksionit të gazit në mes të Greqisë dhe Bullgarisë, ka bërë të ditur se kompania greke J&P-AVAX  dhe ajo italiano-bullgare IGB-2018, kanë dhënë ofertat e tyre në garën për ndërtimin e nyjës së gazsjellësit. Vlera e përgjithshme e projektit është rreth 145 milionë euro pa TVSH.

Sipas ICGB-a, IGB-2018 është një konsorcium i kompanisë italiane Bonatti I kompanisë bullgare GP Group dhe Glavbolgarstroy International. ICGB po planifikon që muajin e ardhshëm ta përmbyll procesin e përzgjedhjes, në mënyrë që puna të filloj në muajin qershor.

Afati për përfundimin e punimeve është 18 muaj nga dita e fillimit të ndërtimit.