“Kundërshtarët” shkelin Ligjin, votojnë për Bindjen Demokratike në KQZ!

Ndonëse nukkishte dokumentacionin e nevojshëm deri në ditën kur ishte përcaktuar afati i fundit më 21 Prill, qytetarët e Kavajës vazhdojnë të denoncojnë se u është falsifikuar firma për themelimin e partisë dhe sot kryetari i Komisionit Qendror të Zgjedhjeve, Klement Zguri e kundërshtoi regjistrimin sepse afati ka kaluar dhe vendimi i Gjykatës nuk ka hyrë në fuqi dhe Bindja Demokratike nuk ka lindur dhe të kryer vendime politike, përfaqësuesit e Edi Ramës në KQZ, ata për të cilët vetë kjo parti foli ditën kur e bëri publik lajmin për themelimin e saj duke i quajtur “kundshtarët dhe përfituesit më të mëdhenj nga ky sistem i kalbur politik, në krye të cilëve qëndron sot kryeministri Edi Rama”, dhe vetë Kryeministri nga foltorja e Parlamentit broçkulliste se i ka rival politik, soto rezulton e kundërta

Përfaqësuesit e mazhorancës në Komisionin Qendror të Zgjedhjeve kanë votuar sot me 4 vota për pranimin e kërkesës për të regjistruar në zgjedhjet e 30 Qershorit, Partinë “Bindja Demokratike” me kryetar, Astrit Patozin.

Pra, nënkryetari Denar Biba, anëtarët Bledar Skenderi, Edlira Jorgaqi dhe Rezarta Bitri me urdhër të Edi Ramës votuar për dhe i vetmi që ishte kundër regjistrimit të “Bindjes Demokratike, kryetari i KQZ-së, Klement Zguri.

Sejemnët e Edi Ramës meqë shkelin Ligjin nuk u shprehën për këtë vendimmarrje, por vetëm rrëzuan propozimin e Klement Zgurit për të mos regjistruar “Bindjen Demokratike”, pasi Zguri konstatoi se kjo parti nuk ka lindur ende politikisht sepse vendimi i Gjykatës për regjistrimin e saj nuk ka hyrë ende në fuqi.

t“Dëshiroj që ‘Bindja Demokratikë’ të garojë në zgjedhjet e 2019, dhe do doja që edhe subjektet të tjera të regjistroheshin në zgjedhje e 30 qershorit. Por kjo mbetet dëshirë.

Unë s’mund t’ia lejoj vetes që dëshirat e mia, t’ia vendos ligjit. Data 21 prill ka qenë data e fundit për të sjell të gjithë dokumentacionin ligjorë, dhe tani që flasim që vendimi i gjykatës nuk ka hyrë në fuqi dhe Bindja Demokratike nuk ka lindur dhe të kryer vendime politike.

Në zgjedhjet e 2015, kemi votuar 7 me 0 që një subjekt të mos regjistrohet dhe që ishte në të njëjtat kushte që mos regjistrohej.

Zgjedhjet janë të qytetarëve, duhet të kenë alternativa të bollshme dhe zgjedhjet të jenë të ndershme dh demokratike, por mbi të gjitha duhet të jenë ligjore.

Unë nuk jam i bindur se subjekti në fjalë nuk plotëson kriteret ligjore për të garuar në zgjedhjet,” tha Klement Zguri duke arsyetuar votën e tij kundër por “kundërshtarë” e Bindjes Demokratike ishin të bindur se Edi Rama ka të drejtë dhe kjo parti i duhet koalicionit qeverisës.

Ndryshe, Bindja Demokratike pasi mblodhi firmat, u regjistrua në Gjykatë dhe aplikoi në KQZ brenda një dite, përveç se tha që kundërshtarët e Bindjes Demokratike janë përfituesit më të mëdhenj nga ky sistem i kalbur politik, në krye të cilëve qëndron sot kryeministri Edi Rama, foli për një opozitë që lakmon, ditë e themelimit nukishte e qartë por sot pas këtij votimi edhe loti do ta ketë zili këtë qartësi politike. Ja pra se çfarë deklaruan themeluesit përmes një shënimi të kryetarit Astrit Patozi, ditën që lindi partia:

“Ne mendojmë se fuqia e pakontrolluar e pushtetit të Edi Ramës, buron edhe nga pafuqia e opozitës zyrtare, sidomos nga pranimi prej saj i modelit të qeverisjes së partisë dhe më pas qeverisë. Opozita zyrtare e shikon pushtetin e Edi Ramës si model që mund ta shfrytëzojë për vete, kur t’i jepet rasti. Që do të thotë se ajo nuk e sulmon atë, por thjesht e lakmon. Ajo nuk do ta shembë atë model, por do që ta përvetësojë.”