Gara për Prokurorin e Përgjithshëm/ Në ditën e Pashkëve, Arta Marku u ngjallë. Kandidoi!

Ndërsa vazhdoi interesi për kandidatët që do të aplikojnë për Prokuror të Përgjithshëm, Prokurorja e Përkohshme e Ulsi Manjës me urdhër të Edi Ramës, Arta Marku, u la e qetë në mënyrë që gara për Kryeprokuror të merrë një kuptim.

Pas shpalljes së tri kandidaturave, Arta Marku mori urdhër nga Kryeministri që të aplikoj, dhe në stilin e Edi Ramës, ditën e dielë madje edhe ditë feste, ajo dorëzoi pranë Këshillit të Lartë të Prokurorisë, kandidaturën në garën për kryeprokurore.

Nuk dihet se a do të kandidonin Olsian Çela, Fatjona Memçaj dhe Lulzim Alushaj për postin e Prokurorit të Përgjithshëm, sikur ta dinin që Arta Marku në Ditën e Pashkëve do të kandidonte për këtë post, por ata për kurajon e tyre vërtetë ia vëlenë të përgëzohen me urimin: Arta u ngjallë!

Ndryshe, përveç të kaluarës së saj të turpshme në përzgjedhjen e mënyrës të paligjshme si Prokurore e Përgjitshme e Përkohsme nga Parlamenti i Edi Ramës, ajo ka ushtruar funksionin  si prokurore në Prokurorinë e Rrethit Gjyqësor Shkodër për 15 vite, ndërsa për 7 vjet ka qenë drejtuese e Njësisë së Përbashkët Hetimore për Krimin Ekonomik dhe Korrupsionin në Prokurorinë e Rrethit Shkodër si dhe  Zëvendës Drejtuese e Prokurorisë së Rrethit Gjyqësor Shkodër.

Dhe, kur zgjidhesh Kryeprokurore e Përkohshme në këtë mënyrë ku shkuesi është Ulsi Manja, Arta Marku isht e edënuar edhe ta kaloi vettingun nga KPK.

Tashmë pas kandidimit të Arta Markut pak rëndësi ka, por, sipas rregullores së miratuar nga KLP-ja, një prokuror, që të kandidojë për të qenë në krye të Prokurorisë së Përgjithshme, duhet që të ketë 15 vjet përvojë pune si jurist i spikatur. Të jetë diplomuar në Shkollën e Magjistraturës ose të ketë gradë shkencore në drejtësi. Të mos ketë mbushur moshën e daljes në pension. Të mos ketë mbajtur gjatë 10 viteve të fundit, para dorëzimit të shprehjes së interesit për Prokuror të Përgjithshëm, funksione politike në administratën publike. Të mos ketë mbajtur gjatë 10 viteve të fundit pozicione drejtuese në partitë politike. Të mos ketë qenë anëtar, bashkëpunëtor ose i favorizuar i ish-Sigurimit të Shtetit. Të mos ketë qenë dënuar më parë me vendim gjyqësor të formës së prerë për kryerjen e një vepre penale. Të mos ketë qenë bashkëpunëtor, informatorë ose agjent i Shërbimeve të Inteligjencës dhe të mos ketë masë disiplinore në fuqi.