Studenti hero që parandaloi masakrën

Dy të vrarë dhe katër të plagosur ishte bilanci pas të shtënave me armë dje në Universitetin e Karolinës së Veriut në Charlotte.

U vranë dy studentë, 19 vjeçari Reed Parlier dhe 21 vjerçari Riley Howell. Siç raporton CNN, ishte Howell ai që parandaloi masakrën duke u hedhur në drejtim të vrasësit, por që këtë veprim, fatkeqësisht, e ka paguar me jetë.

Vrasësi ëshët futur në auditor rreth orës 17:45, sipas orës lokale, ku Howell dhe 30 studentë të tjerë po dëgjonin leksionet e fundit. Howell vrapoi në drejtim të vrasësit dhe e rrëzoi, gjë që ndihmoi edhe policinë që ta arrestoj.

Ende nuk është publikuar identiteti i vrasësi ndërsa sulmi është kryer në ditën e fundit të vitit akademik. Provimet fillojnë javën e  ardhshme, raporton Reuters.

Ndryshe, CNN thekson se Howell ishte më i madhi prej katër vëllezërve që jetonin në fermën familjare në Waynesville në Karolinën e Veriut. Shkollën e mesme e ka mbaruar në Ashevill,  e ky ishte viti i parë i studimeve në Universitetin e Karolinës së Veriut në Charlotte. Gjatë të shtënave janë plagosur katër studentë të moshës 19-23 vjeç, njëri prej të cilëve nga Arabia Saudite.