Pas protestës/ Denoncimi, natë terrori policor në Fier dhe Gjirokastër…

Pas protestës së Opozitës së Bashkuar, ku për dy orë mbetën të bllokuara 12 akset kryesore të vendit, filloi dhe terrori policor ndaj pjesëmarrësve në protestë.

Tensionet e krijuara me sforcimin e madh të policisë gjatë protestave në Fier dhe Gjirokastër vazhduan edhe gjatë orëve të natës. Kryetari i  Partisë Demokratike Dega Fier, Luan Baçi duke denoncuar shoqërimet dhe arrestimet e qytetarëve të ndershëm që protestuan në mënyrë paqësore i bënë të qartë policëve militantë të Edi Ramës se protestat nuk do të ndalen madje radhët e tyre po shtohen çdo ditë e më shumë:

“Veprimet tuaja janë të pa ligjshme, ju kërkoni të intimidoni, qytetarët, u bëni presion, doni ti frikësoni. Si nuk u vjen turp, për pyetjet që u bëni. Kush ju organizon? Kush ju drejton? Kush ju paguan? Po nuk e dini, po ju’a themi:
Partia Demokratike e Shqipërisë dhe Opozita e Bashkuar, të gjithë në që na shikoni aty çdo ditë, në krahë të tyre, në krye të tyre,” reagon përmes rrjetit social Facebook, Ish-Deputeti i PD, Luan Baçi i cili konfrontimin me drejtuesit e policisë së Fierit e vazhdoi edhe gjatë gjithë natës kur filluan dhe shoqërimet në polici.

Dhe jo vetëm kaq!

Duke përshëndetur policët e ndershëm, që për fat të mirë edhe Kryetari i PD Dega Fier, Luan Baçi, konstaton se janë pjesa më e madhe, për shërbëtorët e përulur të Edi Ramës që nuk e presin as mëngjesin për ti shoqëruar protestuesit por terrorizojnë edhe familjarët e pafajshëm, ka një mesazh:

“Do vij shpejtë dita që të jepni llogari për veprimet, tuaja të paligjshme, si militantë të Rilindjes dhe jo ashtu siç duhet, si profesionist dhe në shërbim të qytetarëve, nga taksat e të cilëve, paguheni,” ndërsa përfundon:

“Ne do të vazhdojmë të protestojmë, nuk do të ndalojmë, në nuk frikësohemi, ne jemi shumë dhe po bëhemi çdo ditë dhe më shumë, ashtu si ishim sot, me mijëra. Ne nuk do të ndalojmë deri në rrëzimin e qeverisë më të korruptuar dhe më të paaftë, të planetit.

RAMA IK RAMA IK RAMA IK.

Situatë e ngjashme terrori ishte edhe në Gjirokastër. Arroganca e drejtuesve të policisë që u shfaq në protestë vazhdoi edhe gjatë gjithë natës. Veprimin arbitrar të Drejtorisë së Policisë së Qarkut të Gjirokastrës, krejt jashtë kontekstit, thjesht për të terrorizuar qytetarët e ka denoncuar Ish-Deputeti i PD, Tritan Shehu:
“16 protestues paqësor nga Gjirokastra, Tepelena, Memaliaj, Përmeti e Këlcyra u thirren në komisariatet përkatëse, në orët e natës, pa asnjë argument për atë kërkesë e aq me tepër për atë ‘urgjencë’!”
Kjo krejt në kontrast me Protestën paqësore, civile e të gjerë, që u mbajt në atë Qark, thekson në reagimin e tij përmes rrjetit social Facebook, Ish-Deputeti i PD, Tritan Shehu ndërsa falënderoj të gjithë pjesemarrësit, mbështetësit dhe qendrestarët e kësaj proetste.