Zyrtare/ Elbasan, i vihet zjarri makinës së kreut të PS. Dyshohet…
Gjatë natës makina e kryetarit të Partisë Socialiste në Elbasan, Xhevahir Budani është përfshirë nga zjarri.
Sipas policisë, ngjarja ka ndodhur në lagjen ” 5 Maji” në Elbasan ndërkohë që makina ka qenë e parkuar pranë banesës.
“Nga hetime paraprake dyshohet se zjarri është i qëllimshëm,” thekson policia përmes një njoftimi duke shtuar se po punon per zbardhjen e ngjarjes.
Njoftimi i policisë:
Gjatë natës në lagjen ” 5 Maji” në Elbasan, ka rënë zjarr dhe është djegur pjesërisht mjeti në pronësi të shtetasit Xh.B., i cili ishte i parkuar në rrugë pranë banesës.
Nga hetime paraprake dyshohet se zjarri është i qëllimshëm, grupi hetimor po punon për zbardhjen e plotë të ngjarjes, idetifikimin dhe kapjen e autorëve.
