Haradinaj nënshkruhet në Librin e Zisë për humbjen e dy oficerëve shqiptarë

Kryeministri i Kosovës, Ramush Haradinaj, është nënshkruar sot në Librin e Zisë në Ambasadën e Shqipërisë në Prishtinë pas tragjedisë në Riga të Letonisë ku humbën jetën dy oficerë shqiptarë.

Këtë e ka bërë të ditur Haradinaj përmes rrjetit social Facebook duke theksuar se Kosova do t’i jetë përjetësisht mirënjohëse dy oficerëve të ushtrisë shqiptare:

“Oficerët e ushtrisë shqiptare, nëntetarja Zarife Hasanaj dhe major Klodian Tanushi, nderuan flamurin dhe atdheun. Kosova përjetësisht mirënjohëse!”