Basha në Parlamentin britanik: Vendi ndodhet në krizë të rrezikshme!

Gjatë vizitës së punës në Londër, Kryetari i Partisë Demokratike, Lulzim Basha në takim me Kryetarin e Komisionit për Punët e Jashtme në Parlamentin Britanik, Tom Tugenthat, diskutua për gjendjen politike dhe situatën në Shqipëri e rajon, si dhe për krizën e rrezikshme ku ndodhet vendi.

“Reformë e thellë politike për fuqizimin e rolit të qytetarit sipas praktikave më të mira të vendeve demokratike perëndimore është angazhimi ynë,” tha
lideri i opozitës duke konfirmuar angazhimin e Partisë Demokratike dhe të gjithë opozitës së bashkuar për një zgjidhje politike të krizës, që do të garantojë zgjedhje te lira dhe të ndershme, duke ndarë politikën nga krimi, duke i zgjidhur duart drejtësisë që të vërë para ligjit politikanët e përsfshirë në shitblerje votash me krimin e organizuar si dhe afera të tmerrshme korruptive.

Me këtë rast Kryetari i Partisë Demokratike, Lulzim Basha dhe Kryetari i Komisionit për Punët e Jashtme në Parlamentin Britanik, Tom Tugenthat, diskutua mbi prioritetet e bashkëpunimit të ardhshmëm midis Shqipërisë dhe qeverisë britanike në fushat e bashkëpunimit strategjik të sigurisë kombëtare, rajonale dhe ndërkombëtare.

Gjithashtu, Lulzim Basha, falenderoi Tom Tugenthat edhe për qëndrimin e qartë dhe të prerë të Britanisë së Madhe dhe Parlamentit Britanik kundër ndryshimit të kufijve dhe copëtimit të Kosovës, çka do të ishte nje precedent i rrezikshëm kundër paqes dhe stabilitetit në Ballkan.