Revolta e Qafë Barit/ Frymëzim, Basha: Nuk do ta lëmë askënd të mposhtë lirinë dhe demokracinë!

Sot në 35 vjetorin e revoltës së Qafë Barit, duke u përulur para heroizmit të martirëve të Qafë-Barit, Sokol Sokoli dhe Tomë Ndoja, të cilët ranë theror për liri, kryetari i Partisë Demokratike, Lulzim Basha, thekson se protagonizmi i xhelatëve të komunizmit është një kambanë alarmi për gjithë kombin.

“Vatra e së keqes është akoma e ndezur, drejtësia akoma nuk e ka bërë detyrën e saj, liria dhe demokracia janë akoma të brishta, dhe e ardhmja e Shqipërisë është në udhëkryq!”

Të frymëzuar nga rezistenca e martirëve të Qafë-Barit, që tronditi diktaturën më 22 Maj 1984, Lulzim Basha shprehet se me amanetin e sakrificës së tyre në zemër, jemi sot më të bashkuar kurrë:

“Më të bashkuar dhe të vendosur se kurrë, për të mos lënë asgjë dhe askënd të mposhtë lirinë dhe demokracinë e të shkatërrojë të ardhmen europiane të shqiptarëve,” garanton kryetari i PD, Lulzim Basha, në kulmin e krizës politike dhe përvjeotirn e revoltës së Qafë Barit, duke përfunduar:

Lavdi përjetë martirëve të Revoltës së Qafë Barit! 

Ja statusi i plotë:

35 vjet më parë, me 22 maj 1984, revolta e Qafë Barit tronditi diktaturën dhe përhapi kushtrimin anembanë se liria nga dhuna e egër dhe gjakatare do të vinte. Sot përulemi para heroizmit prekës të martirëve të Qafë-Barit, Sokol Sokoli dhe Tomë Ndoja, të cilët ranë theror për liri!

35 vjet më vonë, protagonizmi i xhelatëve të komunizmit është një kambanë alarmi për gjithë kombin. Vatra e së keqes është akoma e ndezur, drejtësia akoma nuk e ka bërë detyrën e saj, liria dhe demokracia janë akoma të brishta, dhe e ardhmja e Shqipërisë është në udhëkryq!

Të frymëzuar nga rezistenca e martirëve të Qafë-Barit, me amanetin e sakrificës së tyre në zemër, jemi sot më të bashkuar dhe të vendosur se kurrë, për të mos lënë asgjë dhe askënd të mposhtë lirinë dhe demokracinë e të shkatërrojë të ardhmen europiane të shqiptarëve. Lavdi përjetë martirëve të Revoltës së Qafë Barit! #ShqipëriaSiEuropa