“Shuhet” Gjykata e Lartë!

Gjykata e Lartë prej sot është jashtë funksionit!

Pas vendimit të Kolegjit të Posaçëm të Apelimit që shkarkon sot nga detyra gjykatësin e Gjykatës së Lartë, Edmond Islamaj, pas ankimimit të Komisionerit Publik, kjo Gjykatë mbetet vetëm me dy anëtarë, pra zyrtarisht është në kolaps.

Ndryshe, Edmond Islamaj është konfirmuar në detyrë nga KPK në qershor të vitit të kaluar, dhe me vendimin e KPA-së, Gjykata e Lartë i bashkohet Gjykatës Kushtetuese, si dy produkte këto tashmë të Reformës në Drejtësi që e lënë Shqipërinë pa dy institucionet më të rëndësishme në vend, pavarësisht politikave dhe deklaratave ordinere që bëjnë Presidenti Ilir Meta ose Bashkimi Evropian përmes përfaqësuesit të saj në Tiranë.