Raporti vjetor/ Ish-Oficerët e Sigurimit në Institucione, Agron Tufa: Nuk zbatohet Ligji! Shembulli i Gjermanisë…

Drejtori i Institutit të Studimit të Krimeve dhe Pasojave të Komunizmit, Agron Tufa,  gjatë paraqitjes së Raportit vjetor në Parlament ka kritikuar krerët e institucioneve shqiptare se nuk kanë marrë masa për të larguar Ish-Oficerët e Sigurimit të Shtetit. Dhe jo vetëm kaq!

Atyre po u krijohet mbrojtje dhe po u lejohet të mbajnë postet drejtuese në administratën shtetërore dhe institucionet shtetërore nuk denjojnë të kthejnë përgjigje për Ish-oficerët e Sigurimit të Shtetit.

 “Mënjanimi i ish-oficerëve të Sigurimit të shtetit të cilët janë në institucionet shumë të rëndësishme që financohet nga buxheti i shtetit, kanë arritur një nivel tejet të lartë, absurd dhe të papranueshëm për një shoqëri demokratike.

Me përjashtim të fare pak institucioneve në varësi të Parlamentit apo Kryeministrit, pjesa dërrmuese e institucioneve të varura dhe të pavarura të shtetit, as denjojnë t’i binden ligjit për informimin, duke shkelur kështu çdo të drejtë Kushtetuese mbi informimin. Ne jemi të bindur se krerët e këtyre institucioneve i mbrojnë haptazi, e madje me arrogancë ish oficerët e sigurimit në poste drejtuese.”

Përveç se e pamoralshme, Agron Tufa sjell shembullin gjerman që nuk I njeh diplomat e kësaj kategorie: “Kjo është e amoralshme sepse ky kontingjent nuk e ka vendin në institucionet e shtetit tonë demokratik, qoftë edhe për pa përputhshmëri diplome. Në mënyrë të ngjashme ka vepruar Gjermania e cila e ka bërë fakt këtë edhe pa ligj lustracioni, duke mos i njohur diplomat e kësaj kategoria dhe praninë e tyre në administratë”, tha Drejtori i Institutit të Studimit të Krimeve dhe Pasojave të Komunizmit, Agron Tufa duke raportuar në Parlament.