Serbi, emigrantë të vdekur brenda një autoboti

Autoritetet serbe kanë njoftuar se dy emigrantë kanë vdekur dhe dy të tjerë janë në gjendje të rëndë pasi ishin fshehur në një autobot në kufi me Hungarinë.

Trupat e tyre u zbuluan kur shoferi i autobotit hapi dyert dhe i pa ata pa ndjenja brenda saj .

Zyrtarët e Spitalit në Novi Sad deklaruan për RFE se emigrantët pësuan goditje nga i nxehti. Njëri vdiq më 22 maj dhe tjetri më vonë. Dy të tjerët janë në kujdes intensiv.

Sipas autoriteve të ministrisë së Brendshme të Serbisë, dy nga këta emigrantë ishin nga Afganistani.

Mijëra emigrantë që ikin nga lufta dhe varfëria kanë lëvizur nëpër Ballkan në përpjekje për të arritur te vendet e pasura në Perëndim.

Por deri në katër mijë emigrantë mbeten ende të bllokuar në Serbi pasi Bashkimi Evropain shtoi masat e sigurisë dhe e mbylli të ashtuquajturën korridori i Ballkanit në vitin 2016