Pas Raportit KE/ Reagimi, CDU/CSU: Shqipëria nuk ka përmbushur asnjë kusht!

Ndonëse Kryeministri e filloi ditën duke u mburrur dhe për ti bindur shqiptarë se Shqipëria ka përmbushur standartet evropiane ashtu siç thotë shefja e diplomacisë evropiane, Federica Mogherini, kishte nxjerrë Zv/Ministrin Gent Cakaj, nga gjermania vjen një dush i ftohtë me siglën e Grupit Parlamentar CDU/CSU pranëBidestagut, në momentin që Edi Rama nuk po e lëshonte foltoren e Parlamentit për të treguar se çfarë ka bërë Qeveria që ai drejton.

“Një analizë fillestare tregon se Shqipëria deri më tani nuk ka arritur të përmbushë asnjë nga kushtet për hapjen e negociatave për anëtarësim, siç u kërkua nga ministrat e Jashtëm të BE më 28 qershor të vitit 2018. Nuk ka një sistem gjyqësor funksional. Nuk funksionojnë as Gjykata Kushtetuese dhe as Gjykata e Lartë,” thekson CDU/CSU duke mos e ngatërruar shejtanin me sistemin e drejtësisë siç bënë Edi Rama me ushtarin e tij Taulant, duke i kujtuar se nuk janë krijuar as njësia antikorrupsion SPAK dhe as Byroja Kombëtare e Hetimit.”

Duke e pranuar se ka përparime në nivele të ulëta dhe të mesme në luftën kundër korrupsionit, CDU/CSU i kujton atë që Soreca dhe Mogherini nuk duan ta dëgjojnë nga opozita për blerjen e votës:

“Nuk është nisur asnjë procedurë ligjore ndaj politikanëve dhe kriminelëve të përgjuar në fillim të vitit për blerje të votave. Në fund të fundit, ligji i ri zgjedhor i kërkuar nga Ministrat e Jashtëm nuk është miratuar akoma.”

Meqë Komisioneri për zgjerimin, Johannes Hahn nuk e ka të qartë, CDU/CSU atij dhe shokut Edi Rama i bëjnë me dije se Shqipëria ka nevojë për më shumë kohë për t’u përgatitur për negociatat e pranimit.

“Kjo përfshin një dialog të vërtetë mes qeverisë dhe opozitës për të kapërcyer krizën shtetërore. Të dyja palët duhet, megjithatë, të përgatiten për një dialog të tillë pa parakushte. Asnjë temë nuk mund të përjashtohet që nga fillimi,” thekson Grupi parlamentar i CDU/CSU dhe ndonëse Edi Ramës nuk i duhet ndihmë nga jashtë, ata theksojnë se është ende i gatshëm që të ndihmojë.

Shqipëria nuk ka përmbushur asnjë kusht

Grupi parlamentar i CDU/CSU do të analizojë me kujdes raportet e progresit mbi Shqipërinë dhe Maqedoninë e Veriut dhe do t’i krahasojë atë me analizat e tjera në dispozicionin e tij. Vetëm në këtë mënyrë mund të marrim një vendim të përgjegjshëm nëse janë plotësuar kushtet për nisjen e bisedimeve të pranimit me dy vendet.

Megjithatë, një shqyrtim i tillë nuk duhet bërë me ngut. Kjo nuk do ishte e pranueshme për popullin gjerman dhe do të ishte e padrejtë edhe për vendet në fjalë. Në këtë kuptim, Bundestagu gjerman nuk do të jetë në gjendje të vendosë për hapjen e negociatave të pranimit deri në fund të shtatorit, siç u pajtuam me kolegët e grupit parlamentar të SPD-së.

Një analizë fillestare tregon se Shqipëria deri më tani nuk ka arritur të përmbushë asnjë nga kushtet për hapjen e negociatave për anëtarësim, siç u kërkua nga ministrat e Jashtëm të BE më 28 qershor të vitit 2018. Nuk ka një sistem gjyqësor funksional. Nuk funksionojnë as Gjykata Kushtetuese dhe as Gjykata e Lartë. Nuk janë krijuar as njësia antikorrupsion SPAK dhe as Byroja Kombëtare e Hetimit. Ka përparime në nivele të ulëta dhe të mesme në luftën kundër korrupsionit. Por ka shumë pak raste të procedimeve për korrupsion në nivele të larta dhe as dënime. Në mënyrë të ngjashme janë të dobëta përpjekjet për të luftuar krimin e organizuar. Përveç kësaj, nuk është nisur asnjë procedurë ligjore ndaj politikanëve dhe kriminelëve të përgjuar në fillim të vitit për blerje të votave. Në fund të fundit, ligji i ri zgjedhor i kërkuar nga Ministrat e Jashtëm nuk është miratuar akoma.

Në këtë drejtim, Shqipëria ka nevojë për më shumë kohë për t’u përgatitur për negociatat e pranimit. Vendi duhet të bëjë çdo përpjekje për të përmirësuar kushtet për një vendim pozitiv të BE-së në shtator. Kjo përfshin një dialog të vërtetë mes qeverisë dhe opozitës për të kapërcyer krizën shtetërore. Grupi parlamentar i CDU/CSU është ende i gatshëm që të ndihmojë. Të dyja palët duhet, megjithatë, të përgatiten për një dialog të tillë pa parakushte. Asnjë temë nuk mund të përjashtohet që nga fillimi.