“Të fala nga CDU/CSU”/ I painformuar, Edi Rama: Nuk negociojmë kurrë për…

Kryeministri Edi Rama me plotë pasion po vazhdonte spektaklin nga foltorja e Parlamentit, i shoqëruar me inskenimin e një klime politike normale kur seancën po e drejtonte edhe njëri nga deputetët e “Opozitës së Edi Ramës”, ai po rendiste të arriturat që i konfirmonte Progres Raporti i djeshëm të KE. Meqë askush nuk e paralajmëroi për qëndrimin e Grupit Parlamentar të CDU/CSU ai vazhdoi me akuzat standarde kundër opozitës, jo asaj që e kishte përballë dhe e krijoi vetë, por opozitës jashtë parlamentit, që sipas Edi Ramës po tregon se nuk ka asnjë vullnet për të ndihmuar në rrugën e integrimit të vendit në BE por jo edhe sipas miqëve gjermanë.

“Raporti jep indikacion të qartë lidhur me opozitën që nuk është në parlament dhe çfarë ajo opozitë duhet të bëjë sot në vend se të bëjë atë që po bën. Ne mbetemi të vendosur që të stimulojmë një proces dialogu me opozitën por padiskutim nuk kemi asnjë gatishmëri për të negociuar kushtetutën si ligj themelor që na imponon të gjithë që ta respektojmë, në funksion të zgjedhjeve që i përkasin popullit sovran dhe nuk i përkasin partive,” tha Edi Rama dukshëm i paninformuar se çfarë duhet të bëjë për të arritur ato që figurojnë në Progres Raport dhe i ka shkruar shoqja Mogherini.

Gjithsesi Edi Rama vazhdoi:

“Kemi gatishmërinë të dialogojmë me opozitën jashtëparlamentare, por asnjëherë nuk do të negociojmë legjitimitetin dhe detyrimin për vazhdimësinë e këtij parlamenti, një detyrim që buron nga një mandat i qartë në bazë të të cilit për ne është e pamundur që atyre që na kanë zgjedhur tu themi na falni po ata që nuk i zgjodhët do të kenë prioritet,” tha në fund Edi Rama për ta lëshuar foltoren në mënyrë që ti afrohet celularit për të kuptuar realitetin ndryshe nga ai që predikonte dhe në pak fjalë ishte sqaruar me mesazhin që Soreca me shok i kanë nisur:

“CDU/CSU: Shqipëria nuk ka përmbushur asnjë kusht!”