Vetëvendosje dhe LDK, gati mocioni për rrëzimin e Qeverisë

Kryetari i Grupit Parlamentar të LDK-së, Avdullah Hoti, së bashku me Kryetarin e Grupit Parlamentar të Vetëvendosjes, Glauk Konjufca, sot kanë harmonizuar tekstin e mocionit të mosbesimit ndaj Qeverisë, njofton LDK përmes një komunikate.

Hoti, thekson komunikata, sot ka zhvilluar takime edhe me përfaqësuesin e Grupit Parlamentar të PSD-së dhe deputetin Ilir Deda, si dhe ka komunikuar me deputeten Mimoza Kusari Lila, për të diskutuar për mocionin e mosbesimit ndaj Qeverisë së PAN-it.

“Në cilësinë e Kryetarit të Grupit më të madh Parlamentar në Parlamentin e Kosovës, Hoti fton të gjitha grupet parlamentare dhe deputetët e pavarur të mbështesin mocionin”, theksohet në komunikatë.