Asnjë hap pas, Lulzim Basha: Nesër në ora 19:00 të gjithë në shesh!
Një ditë para Protestës së Madhe të Opozitës, Kryetari i Partisë Demokratike, Lulzim Basha, duke renditur edhe një herë arsyet pse Shqipëria është në mjerim dhe Edi Rama duhet të largohet, i bënë thirrje qytetarëve shqiptarëve nesër në ora 19:00 të gjithë në shesh!
“Rama vodhi votat për të vjedhur shqiptarët, Zyra e Ramës kushton 1.6 milionë euro ndërsa 300 mijë shqiptarë jetojnë në skamje; 1 miliard euro janë vjedhur për luksin qeveritar ndërkohë 500 mijë shqiptarë jetojnë si azilkërkues; 385 milionë euro konçesione me shëndetësinë e shqiptarët vdesin për një maje gjilpëre,” thekson Lulzim Basha përmes një video mesazhi duke përshkruar gjendjen e rëndë në të cilën ndodhet Shqipëria me Kryeministër Edi Ramën.
Dhe jo vetëm kaq!
“14 konçesione korruptive faturojnë 2 miliardë euro ndërsa shqiptarët paguhen vetëm 200 euro në muaj; 300 milionë euro tendera marrin 11 miqtë e Ramës ndërkohë 50 biznese mbyllen çdo ditë. 4.5 miliardë euro na kushton korrupsioni i Ramës,” thekson në mesazhin e tij Kryetari i Partisë Demokratike, Lulzim Basha, duke e bërë të qartë:
Asnjë hap pas për çlirimin e vendit nga e keqja! Nesër në ora 19:00 të gjithë në shesh!Ne nuk do ta paguajmë!
Ndërsa përfundon duke i bërë thirrje të gjithë shqiptarëve:
Asnjë hap pas për çlirimin e vendit nga e keqja! Nesër në ora 19:00 të gjithë në shesh!
