Video/ Përplasen anijet, njerëzit në panik ikin nga kroçera. 5 të plagosur dhe…

Të paktën pesë persona janë plagosur me rastin e përplasjes së anijeve në Venecia. Sipas mediave italiane, kroçera MSC Opera është përplasur me një anije të vogël turistike. Disa njerëz kanë përfunduar në det, ndërsa të gjithë udhëtarët kanë pësuar lëndime të lehta.

Sipas RAI, një person është lënduar në kroçerë, dhe të paktën katër në anijen e vogël turistike ku ishin 130 udhëtarë.

Pamjet tregojnë se si udhëtarët po iknin para kroçerës e cila goditi molin ndërkohë dëgjohet buria e kroçerës.

Kroçerës iu fik motori

Rreth orës 08:30 fatkeqësia ndodhi pasi kroçera e cila po tërhiqej drejtë vendit ku duhej të ndalonte tek kanali Giudeça, humbi kontrollin.

Sipas komunikatës së Kompanisë, kroçerës iu fik motori, anijet që po e tërhiqnin u munduan ta ndalonin  por pas përplasjes me anijen u këputën kabllot. Pas fatkeqësisë, përmes rrjetit social Twitter reagoi edhe ministri i transportit, Danilo Toninelli.

“Ky incident tregon se anijet e mëdha nuk guxojnë të kalojën nëpër kanal. Pas një viti jemi afër zgjidhjes përfundimtare e cila do të mbrojë njerëzit dhe turizmin.”

Ndryshe, që një kohë të gjatë po zhvillohet debati rreth ndalimit të kroçerave nëpër kanalet e qytetit, madje ka dhe thirrje që ato të ndalohen plotësisht në Venecia.