Deputeti gjerman në Tiranë, takime me krerët e politikës…
Deputeti i Bundestagut gjerman, Florian Hahn, po zhvillon sot një vizitë në Shqipëri, ku është takuar me disa nga zyrtarët e qeverisë dhe opozitës.
Mësohet se ai është takuar me Presidentin Ilir Meta, kryeministrin Edi Rama, kryeparlamentarin Gramoz Ruçi.
Deputeti gjerman është takuar gjithashtu edhe me kreun e PD-së, Lulzim Basha, dhe kryetaren e LSI, Monika Kryemadhi.
Mësohet se deputeti Hahn ka zhvilluar një takim edhe me Majlinda Bregun, e cila tashmë mban detyrën e Sekretarit të Përgjithshëm të Këshillit të Bashkëpunimit Rajonal.
