Ulëz, shkrumbohen 2 makinat e kryetares së PD. Dyshimet e para…

Mbrëmë janë shkrumbuar dy makina në pronësi të kryetares së Partisë Demokratike në Ulëz, Gjelina Kalthi, e cila është njëkohësisht është administratore e kësaj Njësie.

Makinat e djegura ishin të parkuara pranë banesës së saj.

Ndërkohë ende nuk dihen shkaqet, ndërsa dyshohet të jetë e qëllimshme. Policia dhe grupi hetimor kanë shkuar menjëherë në vendin e ngjarjes dhe po punojnë për zbardhjen e rrethanave.

Kryetarja e PD: Sulm politik…

Pas djegies së makinave, Kryetarja e PD në Ulëz, Gjelina Kalthi e cilësoi ngjarjen si sulm politik duke shtuar se pas kësaj ajo dhe familja e saj ndihen të rrezikuar për jetën.

“Pasi mbaruam mbledhjen u nisem drejt Ulzës në njësinë administrative Baz. Në bashkëinë e Matit jam ndalur me bashkëshortin dhe kemi darkuar te një kushëri i imi rreth orës 12 të natës kemi shkuar në shtëpi në Ulëz dhe para pallatit parkuam makinat si gjithmonë. Aty na bëri përshtypje që para pallatit nuk kishte asnjë makine të parkuar. Kjo na bën të mendojmë që është një skenar përgatitur politikisht dhe ndihemi të rrezikuar për jetën,” tha Kryetarja e PD në Ulëz, Gjelina Kalthi..