20 vjetori i lirisë, Ish-Presidenti Bill Clinton në Kosovë

Këshilli Organizativ për shënimin e 20-vjetorit të hyrjes së trupave të NATO-së në Kosovë, ka njoftuar se më 12 qershor, Ish-Presidenti amerikan, Bill Clinton dhe Ish-Sekretarja amerikane e Shtetit, Madeleine Albright, do të marrin pjesë në ceremoninë qendrore që do të zhvillohet në Kosovë, raporton RFE.

Përmes një njoftimi në rrjetin social, Facebook, Këshilli Organizativ bënë të ditur se Presidenti Clinton do të mbajë një fjalim në ceremoninë qendrore, që do të mbahet më 12 qershor në Prishtinë.

Ndryshe, Bill Clinton ka drejtuar Shtëpinë e Bardhë kur më 24 mars të vitit 1999, kanë nisur sulmet ajrore të forcave të NATO-s kundër forcave serbe në Kosovë dhe Serbi.

Presidenti i Kosovës, Hashim Thaçi vitin 2019 e ka shpallur viti i NATO-s.